Gündəm

Müsahibə

  • " width="300" height="266" />
    SÜLHƏDDİN ƏKBƏRDƏN MARAQLI PROQNOZLAR:“Hakimiyyət daxilində böyük müxalifət formalaşır” – MÜSAHİBƏ
  • " width="300" height="266" />
    PROFESSOR QULU MƏHƏRRƏMLİ JURNALİSTİKAMIZ HAQDA:“Ev iti olub, yağlanıb-piyləniblər…” - (MÜSAHİBƏ)
  • vahid_ehmedov_yeni.jpg" width="300" height="266" />
    Vahid Əhmədov:“Azərbaycanda 2018-ci ildə bu iki nəfərdən biri prezident seçiləcək” – MÜSAHİBƏ
  • " width="300" height="266" />
    İLYAS İSMAYILOV NƏRİMANOVUN MÜDAFİƏSİNƏ QALXDI:"Generallarımızı məhz o, ermənilərin əlindən xilas etdi..." - MÜSAHİBƏ
  • " width="300" height="266" />
    MEHMAN ƏLİYEV HÖKUMƏTİN MEDİA SİYASƏTİNİ SƏRT TƏNQİD ETDİ:"Hakimiyyət cəmiyyətlə informasiya mübadiləsini tamam itirib"- Müsahibə
  • " width="300" height="266" />
    Tomas de Vaal:“Qafqaz Moskvanın gündəliyində daha aşağı prioritetə keçib” – MÜSAHİBƏ
  • " width="300" height="266" />
    POLİS RƏİSİ NARDARAN ƏMƏLİYYATININ DETALLARINI AÇDI:"Onların başı üzərində Azərbaycan yox, "Hizbullah"ın bayrağı dalğalanırdı" - MÜSAHİBƏ
  • " width="300" height="266" />
    Deputat Vahid Əhmədov:"Azərbaycan üçün bu qədər nazirlik, komitə çoxdur..."
  • " width="300" height="266" />
    Keçmiş deputatdan sensasion müsahibə:"Ətrafımda olanlar mənə şər atdı, ən böyük zərbəni isə rəfiqəm vurdu..."
  • " width="300" height="266" />
    Sabiq türk kəşfiyyatçısı:"Türkiyənin artıq səhv addımlar atmağa dözümü qalmayıb..."

Qaynar Qazan

Qapalı Mövzu





Vəkil Bürosu

Dekabr 2017
BE ÇA Ç CA C Ş B
« Noy    
 123
45678910
11121314151617
18192021222324
25262728293031

XƏBƏR LENTİ

11 Dekabr 2017
10 Dekabr 2017
09 Dekabr 2017

18 May 2017 - 16:22

“Məni şəhərə gətirib Əli Abbasovla üzləşdirdilər…” –Rabitəçilərdən şok ifadələr

Bu gün Bakı Ağır Cinayətlər Məhkəməsində Rabitə Nazirliyinin yüksək vəzifəli şəxslərinin cinayət işi üzrə məhkəmə prosesi davam etdirilib.

“Qafqazinfo”nun verdiyi xəbərə görə, hakim Əfqan Hacıyevin sədrliyi ilə keçirilən prosesdə təqsirləndirilən, nazirliyin sabiq aparat rəhbəri Vidadi Zeynalov çıxışına davam edib.

O bildirib ki, ittiham aktında çoxlu səhvlər var, istintaq qərəzli aparılıb, rəqəmlər şişirdilib: “İstintaq orqanı tərəfindən 37,9 milyon manatın necə hesablanaraq yazılması bu günədək mənə məlum deyil. Eyni rəqəmləri həm “Azintelekom”dan, həm “Aztelekom”dan köçürülən məbləğlərə şamil edirlər. Əslində, verilənlər dollarla hesablanırdı və məbləğ mənim ilkin ifadəmdə dediyim kimi 30 milyon dollar və ya 23,5 milyon manat olub. Həmin məbləğin 5,5 milyon dollarını, yəni 4,3 milyon manatını mən görməmişəm. Mənə deyilib ki, həmin borcu ATK-dən silinməsini təmin edin.

Mən də demişəm aidiyyatı üzrə silsinlər. İcra başçıları, hətta başqa insanlar da nazirdən rəsmi və qeyri-rəsmi xahiş edib ki, rayonlarda quruculuq-abadlıq işləri gedir, sizin bina bərbad gündədir, təmir edin. Biz də vəsait ayrılması üçün “Aztelekom”a tapşırıq vermişik”.

V.Zeynalov deyib ki, rayon şöbələrinin rəisləri istintaq tərəfindən təhdid edilərək yalan ifadəyə qol çəkməyə məcbur edilib.

Sabiq aparat rəhbəri qeyd edib ki, o rəhbərliyin tapşırıqlarını sədaqətlə icra edib:

“Tapşırığın digər icraçıları heç də vəzifədə məndən kiçik şəxslər deyillər. Mən heç kimə, heç bir məbləğ təyin etməmişəm. Mənim nə belə bir səlahiyyətim, nə də belə bir niyyətim olmayıb. Mən tutduğum vəzifəyə görə həvalə edilmiş tapşırıqları icra etmişəm. Mənim yerimə bu işi qapıçıya tapşırsaydılar, o da edəcəkdi. Müəyyən olunmuş xəzinənin mədaxil və məxaricinə aparat rəhbəri, büdcə və lisenziya üzrə İltimas Məmmədov məsul edilib, Vidadi Zeynalov yox. Əli Abbasov Qənbər Bəybalayevə siyahı vermişdi ki, “Azərpoçt”un bəzi əməkdaşlarına orada göstərilən məbləğləri versin. Bu da təqribən 1 milyon 703 min təşkil edirdi”.

Vidadi Zeynalov deyib ki, istintaq zamanı digər təqsirləndirilənlərlə üzləşmək istəsə də, buna icazə verilməyib: “Bir dəfə məni şəhərə gətirib Əli Abbasovla təqsirləndirilən şəxs kimi yox, şahid kimi üzləşdirdilər. Orada da hər ikimiz öz ilkin ifadələrimizi təsdiq etdik. Həmin üzləşdirmə protokolu 3 nəfər vəkilin, müstəntiqin, Əli Quliyevin, Əli Abbasovun və mənim iştirakımla tərtib olunaraq imzalanıb. Lakin mən həmin protokola nə məhkəməyə göndərilən istintaq materiallarında, nə də ittiham aktında rast gəlmədim”. 

V.Zeynalov bildirib ki, dövlətə dəyən ziyanı ödəmək üçün əmlakını satmaq istəyir və artıq müştəri də tapılıb: “Həmin adam hazırda bankda gözləyir. Siz yoldaşımın adına olan əmlakın üzərindən həbsi götürün, dövlətə dəymiş ziyanı, boynuma qoyulan ziyanı ödəyim”. 

Hakim isə bildirib ki, əmlaklarla bağlı məsələyə sonda qiymət veriləcək və vəsatət baxılmamış saxlanılıb. 

Daha sonra “Azərpoçt”un sabiq rəhbəri Qəmbər Bəybalayev çıxış edərək nəyə görə ittiham edildiyini anlamadığını deyib:

“Nazir Əli Abbasovun tapşırığına əsasən bizim idarədə bəzi əməkdaşlar “paket” alıb. Mən heç zaman “paket” almamışam. Alan şəxslərlə də qarışmamışam. O vaxtı hətta Əli Abbasov mənə tapşırdı bir qadını işə götürüm. Həmin qadın ayın sonu gəldi ki, mənə əlavə pul veriləcək. Dedim, mən əlavə pul verən deyiləm. Məndən icazə istədi ki, o zaman Əli Abbasovun yanına gedəcəm. Dedim buyurun. Sonra o gedib Rabitə Nazirliyindən həmin pulu aldı. Sonradan soruşdum dedi ki, 500 manat əlavə pul alıb. İndi mənə ittiham verilib ki, guya vəzifə səlahiyyətlərini aşmışam. Əvvəllər bizim idarə də maaş çox az idi. Mən nazirdən xahiş elədim ki, əməkhaqqımızı qaldırsın. O, “paket” verilməsini təklif etdi. Mən isə bununla razılaşmadım. Vidadi müəllim də mən deyəni dəstəklədi. Bizim maaşımız normallaşdı. Ona görə mən heç zaman əlavə pul söhbətində olmamışam”. 

Məhkəmə prosesi mayın 19-da davam etdiriləcək.