XƏBƏR LENTİ

12 Noyabr 2018

Digər Xəbərlər

20 Noyabr 2017 - 19:04

Vəkil Yalçın İmanovun fəaliyyəti dayandırıldı, Elçin Sadıqov haqda isə şikayətə xitam verildi –Kollegiyadan qərarlar

Vəkillər Kollegiyası tanınmış vəkil Elçin Sadıqovun barəsində olan intizam icratına xitam verilib.

Bu barədə qərar bu gün Kollegiyanın Rəyasət Heyətinin iclasında çıxarılıb.

Qərara əsasən, şikayət təsdiqini tapmayıb.

Qeyd edək ki, E.Sadıqov barəsində Vəkillər Kollegiyasına şikayəti Şəki Ağır Cinayətlər Məhkəməsinin hakimi Rəşid Hüseynov edib.

Vəkillər Kollegiyası bu gün digər tanınmış vəkil Yalçın İmanovun fəaliyyətini isə dayandırıb.

Bu barədə qərar bu gün Kollegiyanın Rəyasət Heyətinin iclasında çıxarılıb. Qərara əsasən, ona vəkillik fəaliyyəti ilə məşğul olmaq qadağan edilib. Y.İmanovun Vəkillər Kollegiyasının üzvlüyündən xaric edilməsi ilə bağlı məhkəməyə müraciət ediləcək və həmin vaxta qədər isə o, heç bir prosesə çıxa bilməz.

Qeyd edək ki, Y.İmanov barədə Vəkillər Kollegiyasına şikayəti Penitensiar Xidmətin rəhbərliyi edib/Report.