XƏBƏR LENTİ

20 İyul 2019
19 İyul 2019

Digər Xəbərlər

17 İyun 2019 - 20:15

Haqqında edam qərarı çıxmış sabiq prezident qəfil öldü –Məhkəmə zalında

Misirin sabiq prezidenti Məhəmməd Mursi vəfat edib.

Strateq.az xarici mətbuata istinadla bildirir ki, o, bu gün keçirilən məhkəmə zalında qəfil həyatını itirib.

Məhəmməd Mursi 1951-ci ildə anadan olub.

O, Qahirə Universitetini bitirib. ABŞ-ın Cənubi Kaliforniya Universitetində doktorluq dissertasiyası müdafiə edib. Misir və ABŞ universitetlərində dərs deyib.

1992-ci ildə “Müsəlman qardaşlar” hərəkatına qoşulan Məhəmməd Mursi 2000-ci ildə parlamentin deputatı seçilib.

2006-cı ildə Hüsnü Mübarək rejiminə qarşı aksiyalara görə 7 ay həbsdə yatıb. 2011-ci ilin aprelində “Müsəlman qardaşlar” hərəkatına daxil olan Azadlıq və Ədalət Partiyasına rəhbər seçilib.

2012-ci ildə Misir prezidenti seçilib.

Lakin 2013-cü ilin iyun və iyul aylarında baş vermiş kütləvi nümayişlərdən sonra Misir Silahlı Qüvvələri tərəfindən devrilərək həbs olunmuşdu.

2015-ci ildə barəsində edam qərarı verilsə də, şikayət səbəbindən icrası həyata keçirilməmişdi.

O vaxtdan bununla bağlı məhkəməsi keçirilirdi…