XƏBƏR LENTİ

15 Oktyabr 2019
14 Oktyabr 2019

Digər Xəbərlər

02 May 2019 - 12:59

Kamal Abdulla aldığı mükafatdan danışdı:"Həmin pulu 4 yazıçı arasında bölüşdürəcəm”

Azərbaycan Dillər Universitetinin (ADU) rektoru Kamal Abdulla Azərbaycan Yazıçılar Birliyi (AYB) tərəfindən layiq görüldüyü Mirzə Cəlil Məmmədquluzadə adına nəsr mükafatı zamanı aldığı pulu gənc yazıçılar arasında bölüşdürəcək.

Bu barədə “Report”a K.Abdulla özü məlumat verib.

O bildirib ki, layiq görüldüyü 2 min manatı Azərbaycanın 4 gənc yazıçısı arasında bölüşdürməyi düşünür: “İlk olaraq, məni bu mükafata layiq gördüyü üçün Anar müəllimə təşəkkürümü bildirirəm. Təbii ki, mən bu pulu özümə sərf etməyəcəm. Düşünürəm ki, bunu 4 gənc yazıçı arasında bölüşdürüm. Ona görə də, bununla bağlı Azərbaycan Yazıçılar Birliyinin katibliyinə müraciət etmişəm. Həmin pulu 4 yazıçı arasında bölüşdürəcəm”.

Qeyd edək ki, bir müddət əvvəl Prezident İlham Əliyev “Yaradıcılıq ittifaqları və birliklərinin fəaliyyəti ilə bağlı əlavə tədbirlər haqqında” imzaladığı sərəncamla Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Yazıçılar Birliyinə 800 min manat ayrılıb.

AYB-nin Katibliyi Prezident İlham Əliyevin ayırdığı məbləğ hesabına bir neçə müəllifi mükafatlandırıb. Belə ki, İmadəddin Nəsimi, Mirzə Cəlil Məmədquluzadə, Cəfər Cabbarlı və İsmayıl Şıxlının adlarına – hərəsi 2000 manat məbləğində olmaqla 12 mükafat təqdim olunub.