Gündəm

Müsahibə

  • " width="300" height="266" />
    UKRAYNA XARİCİ KƏŞFİYYAT XİDMƏTİNİN SABİQ RƏHBƏRİ:"Ən başlıcası Putinin ətrafıdır" - MÜSAHİBƏ
  • " width="300" height="266" />
    Abid Şərifov:“Kimsə övladımın yekəbaşlıq etməsi ilə bağlı bir kəlimə eşidib?”
  • " width="300" height="266" />
    “Azad demokratlar”ın lideri Sülhəddin Əkbər:"2004-cü ildən Rusiya kəşfiyyatı Azərbaycanda sistemli və aktiv iş aparır" - MÜSAHİBƏ
  • " width="300" height="266" />
    Avropa İttifaqının Bakıdakı nümayəndəsi:“Azərbaycanlıların 51 faizi bizə etibar edir” – MÜSAHİBƏ
  • " width="300" height="266" />
    Eldar Namazov Rusiyadakı seçkilərdən danışdı:“Bu perspektiv Kremli çox qorxudur” – MÜSAHİBƏ
  • " width="300" height="266" />
    Əvəz Temirxan “20 Yanvar” hadisələrinin gizli məqamlarını açdı:"Zayçevlə mübahisəmiz düşdü, o, tələb etdi ki, bunları protokoldan çıxarım..."
  • " width="300" height="266" />
    Sabiq YAP-çı deputatdan maraqlı açıqlamalar:"Dövlət şəxsi hisslərin idarəçiliyə daşınmasından əziyyət çəkir" - MÜSAHİBƏ
  • " width="300" height="266" />
    Ayaz Mütəllibov:“20 Yanvarın araşdırılması üçün məhkəmə qurulmasını istəyirəm” – MÜSAHİBƏ
  • " width="300" height="266" />
    ATƏT nümayəndəsi Azərbaycanda medianın durumunu sərt tənqid etdi:"Rəsmilər söz versələr də, bunu yerinə yetirmirlər" - MÜSAHİBƏ
  • " width="300" height="266" />
    Əliməmməd Nuriyev:“BDU-ya müstəqillik verilməsi 100 illik yubileyinə ən böyük töhfə olardı”

Qaynar Qazan

Qapalı Mövzu





Vəkil Bürosu

Qadın Sözü

Yanvar 2018
BE ÇA Ç CA C Ş B
« Dek    
1234567
891011121314
15161718192021
22232425262728
293031  

XƏBƏR LENTİ

21 Yanvar 2018
20 Yanvar 2018

17 İyun 2017 - 03:20

Tramp təhqiqat altında olduğunu təsdiqlədi:"FTB direktorunu çıxarmağı məsləhət görmüş şəxs tərəfindən araşdırılıram"

ABŞ prezidenti Donald Tramp yazdığı Tvitter postunda FTB direktoru Ceyms Komini işdən çıxarması ilə bağlı təhqiqat altında olduğunu, deyəsən, etiraf edib. Lakin o, həm də işarə edib ki, bu araşdırmanı ona Komini işdən çıxarmağı təklif etmiş şəxs aparır.

İyunun 16 yazdığı tvitdə Tramp bildirir: “Mən FTB direktorunu vəzifəsindən çıxardığıma görə FTB direktorunu işdən çıxarmağı mənə məsləhət görmüş şəxs tərəfindən araşdırılıram. Əcinnə ovudur”.

Bəlli deyil ki, Trampa təhqiqat barədə rəsmi bildiriş gəlib, yoxsa o, sadəcə olaraq, media xəbərlərinə reaksiya verib.

Anonim mənbələrə istinadən bu həftə “The Washington Post” yazıb ki, xüsusi prokuror Robert Müller 2016-cı il ABŞ seçkilərinə Rusiyanın müdaxiləsinə dair araşdrımanın miqyasını genişləndirib və indi bu təhqiqata həm də Trampın Komini işdən azad etməklə ədalətə mümkün əngəl törətməsini daxil edib.

Müllerin ilkin təhqiqatı Trampın yaxın çevrəsinin, onun demokrat rəqibi, keçmiş dövlət katibi Hillari Klintona qarşı seçkidə şans qazanması üçün seçkiyə təsir göstərmək məqsədilə Rusiya rəsmiləri ilə mümkün sövdələşməsinə aid idi.

Mayın 9-da Tramp tərəfindən vəzifəsindən çıxarılanadək, FTB-nin direktoru kimi, bu təhqiqatı Komi aparırdı.

 

Rosenşteynin rolu?

 

Burası da aydın deyil ki, Trampın tvitində spesifik olaraq baş prokurorun müavini Rod Rosenşteyn nəzərdə tutulub, yoxsa yox? Baş prokuror Ceff Seşşins bu təhqiqatdan könüllü şəkildə aralandıqdan sonra, Rusiya rəsmiləri ilə Trampın seçki kampaniyasına daxil olan adamlar arasında mümkün əlaqələrin araşdırlmasına nəzarəti onun müavini Rosenşteyn həyata keçirir.

Baş prokurorun müavini Rod Rosenşteyn

 

Rosenşteyn, barəsində geniş məlumat verilən memonu təqdim edib. Onun prezidentə göndərdiyi bu memoda Kominin fəaliyyətindən narahatlıq ifadə olunurdu. Tramp əvvəlcə Komini bu memonun əsasında işdən çıxardığını desə də, sonradan bildirmişdi ki, Komini işdən çıxarmaq qərarına Rosenşteynin memosundan əvvəl özü gəlmişdi.

Komi vəzifəsindən uzaqlaşdırıldıqdan sonra Rosenşteyn Rusiyanın seçki müdaxiləsinin araşdırılması üçün müstəqil xüsusi prokuror vəzifəsinə Mülleri təyib edib.

ABŞ-ın ABC televiziya şəbəkəsinin adı çəkilməyən mənbələrə istinadən verdiyi məlumata görə, Rosenşteyn baş prokurorun üçüncü müavini Reyçl Branda özünü bu təhqiqatdan aralamaq niyyətində olduğunu deyib. İddia olunduğuna görə, o, bunu Komi barədə Trampa göndərdiyi memo ilə bağlı etmək istədiyini söyləyib.

Tramp isə Rusiyanın ABŞ seçkisinə müdaxiləsi barədə iddiaları rədd edir və bu barədə məlumatları “saxta xəbər” adlandırır.

İyunun 16-da yazdığı başqa bir tvitdə Tramp bildirir: “Mənim "ruslarla sövdələşmələrim”ə dair 7 ay davam edən təhqiqatlardan və komitə dinləmələrindən sonra heç kəs sübut göstərə bilməyib. Kədərlidir!”

 

Kominin ifadəsi

 

Trampın ədalətə mümkün maneçilik törətməsinə dair narahatlıqlar iyunun 8-də Kominin Senat palatası qarşısında verdiyi ifadədən sonra yaranıb.

Komi bu ifadədə inandığını bildirib ki, onun vəzifəsindən çxıarılması Rusiyanın mümkün müdaxiləsini və mümkün sövdələşməni araşdırmasına görə baş verib.

Komi habelə demişdi ki, Tramp ondan keçmiş müşaviri Maykl Flinnin Rusiya rəsmiləri ilə əlaqələrinə dair araşdırmanı dayandırmasını istəyib.

Trampın kürəkəni Cared Kuşner də təhqiqat altındadır

 

Mayın sonlarında Tramp ona uzun müddət xidmət etmiş hüquq məsləhətçisi Mark Kasovitsi Rusiya ilə bağlı məsələlərdə onu təmsil etmək üçün kirayələyib.

İyunun 15-də vise-prezident Mayk Pens də Rusiya ilə bağlı məsələlərdə onu təmsil etməsi üçün vəkil tutduğunu bildirib.

Bu arada “The New York Times” iyunun 16-da xəbər verib ki, Trampın keçid komadasının baş müvəkkilinin ofisi işçi heyətə, Rusiya və Ukraynaya dair səfər sənədləri də daxil, bütün sənədlərin saxlanması göstərişini verib.

Başqa bir məqalədə “The Washington Post” xəbər verir ki, Müller həmçinin Trampın müşaviri Cared Kuşnerin maliyyə və biznes fəaliyyətini araşdırır.

Mülk biznesi ilə məşğul olan Kuşner həm də Trampın qızı İvankanın əridir. O, hazırda keçid administrasiyası dövründə Rusiya səfiri Sergey Kislyak və bir Rusiya bankiri ilə görüşdüyünə görə araşdırlır.

azadliq.org