XƏBƏR LENTİ

20 Oktyabr 2018
19 Oktyabr 2018

Digər Xəbərlər

13 Noyabr 2017 - 23:23

Ərdoğanla Putindən 2 saat 10 dəqiqəlik təkbətək görüşdən sonra ortaq mesaj:"Əlverişli şərtlər ortaya çıxmaqdadır..." + VİDEO

Türkiyə prezident Ərdoğanla Rusiya prezidenti Vladimir Putin bu gün Soçidə 2 saat 10 dəqiqə çəkən təkbətək görüş keçiriblər.

Strateq.az Türkiyə mətbuatına istinadən xəbər verir ki,  təkbətək görüşdən sonra heyətlərarası birgə görüş baş tutub.

Görüşdən sonra hər iki lider birgə mətbuat konfransı keçiriblər.

Ərdoğan qonaqpərvərliyə görə Putinə təşəkkür edib:

"Bu il Rusiyaya 3-cü dəfə gəldik. Ümumilikdə, bu il 6 görüşümüz oldu. Əlaqələrimizin dərinləşməsi istiqamətində Putinlə ortaq fikirdəyik. Siyasi məsələlərlə yanaşı, iqtisadi əlaqələrimiz də yüksəlişə keçir. Pomidor, nar və badımcanın Rusiya bazarına girişi üçün alınan qərarları məmnuniyyətlə qarşıladıq".

Ərdoğan deyib ki, iki ölkə arasındakı qarşılıqlı ticarət dövriyyəsi 15 milyard dolları aşıb: "İkitərəfli dövriyyənin 100 milyard dollara çatdırılmasına nail olmaq üçün viza daxil, aramızdakı bütün əngəlləri qaldırmağımız lazımdır. Bunlarla bağlı müsbət qərarlarımız olacaq". 

Ərdoğan onu da deyib ki, Putinlə bölgə və beynəlxalq məsələlərə bağlı da müzakirələr aparıblar.

Putin isə deyib ki, belə görüşlərlə hazırkı vəziyyətləri müzakirə etmək baxımdan çox vacibdir: "Artıq ikili əlaqələrimiz böhrandan əvvəlki səviyyəyə çatdı. İnanırıq ki, böhran aylarında arada itirdiklərimizi bu ilin sonuna qədər yenidən qazanacağıq. Cənab Ərdoğanla razılaşmamıza əsasən, Türkiyədən məhsul idxalına təkrar başladıq. Qalan sanksiyaların da aradan qaldırılmasına dair məsələləri bu gün müzakirə etdik".

Putin deyib ki, burada hər şeydən əvvəl "Türk axını" layihəsindən bəhs etmək lazımdır: "Bu layihənin qıza zamanda həyata keçirilməsinə başlanacaq".

Putin onu da bildirib ki, İrana səfərində müzakirə edilən məsələlərə bağlı Ərdoğanı da məlumatlandırıb: "Suriyaya gəldikdə isə, orada savaş, qan ciddi şəkildə azalıb. BMT-nin çətiri altında dialoqun başlanması üçün əlverişli şərtlər ortaya çıxmaqdadır".

Xatırladaq ki, Ərdoğanı görüşdə Baş qərargah rəisi Hulusi Akar, xarici işlər naziri Çavuşoğlu və prezidentin sözçüsü İbrahim Kalın müşaiyət edib.

Strateq.az