XƏBƏR LENTİ

13 Dekabr 2018
12 Dekabr 2018

Digər Xəbərlər

11 Mart 2018 - 22:15

Rəsmi Ankara xəbərdarlıq etdi, İraq hökuməti PKK-ya 10 gün vaxt verdi:"Buradan çıxın"

Türkiyənin xarici işlər naziri Mövlud Çavuşoğlunun İraqın baş naziri Heydər əl İbadi ilə görüşdən sonra "PKK Mosulun Sincar rayonundan çıxmalıdır. Yoxsa İraqdakı seçkidən sonra orada hərbi əməliyyata başlayacağıq" bəyanatı rəsmi Bağdadı hərəkətə gətirib.

Strateq.az Türkiyə mətbuatına istinadən xəbər verir ki, bu gün İraq Mərkəzi Hökuməti ilə Mosul şəhər Məclisi birgə toplantı keçirib. 

Toplantıdan sonra Mosul məclisinin sədri Bəşir Kiki açıqlama verib.

O bildirib ki, İraq mərkəzi hökuməti ilə birlikdə keçirilən toplantıda PKK-nın Sincar rayonundan çıxarılmasına qəti qərar verilib: "Sincarda dövlət binalarını əlində saxlayan və bununla da idarəetməni iflic vəziyyətinə gətirən PKK-ya buranı tərk etməsi üçün 10 gün vaxt verdik. PKK-nın bu rayonda qalması mümkün deyil. Onlara görə məmurlar da vəzifələrini icra edə bilmirlər. PKK ilə bağlı Mosul məclisinin və İraq hökumətinin mövqeyi qətidir. Təkrar edirəm, PKK-nın buradan çıxması lazımdır. Bunun üçün iş başındayıq və bütün addımları atmalıyıq".

Xatırladaq ki, 3 avqust 2014-cü ildə İŞİD-in Mosula hücum etməsini bəhanə edən PKK Sincara yerləşib. Kürdlərin referendumundan sonra isə İraq hökuməti Mosul və ətraf bölgəyə hərbi qüvvə yeridib. O zaman Kürd Muxtar Vilayətinə bağlı olan peşmərgələr Sincar və ətrafındakı ərazilərdən geri çəkildi. Bunu fürsət bilən PKK-ya bağlı olan terrorçular Sincardakı qüvvələrini daha da artıraraq, dövlət idarələrinə qədər bir çox yerləri zəbt ediblər. O vaxtdan PKK Sincarda daha da möhkəmlənərək, oradan türk birliklərinə qarşı terror havası əsdirməyə başlayıblar.





Yuxarı Əvvələ Ana Səhifə