Gündəm

Müsahibə

Qaynar Qazan

Qapalı Mövzu


Vəkil Bürosu

Qadın Sözü

İyul 2018
BE ÇA Ç CA C Ş B
« İyn    
 1
2345678
9101112131415
16171819202122
23242526272829
3031  



XƏBƏR LENTİ

22 İyul 2018
21 İyul 2018

Digər Xəbərlər

13 May 2018 - 12:12

Ermənistanın sabiq müdafiə naziri:"Paşinyanın Qarabağla bağlı fikirləri təhlükəlidir, bu, Azərbaycanın..."

“Bir neçə gün öncə mətbuat konfransı zamanı baş nazirin söylədiyi fikirlər təhlükəlidir”.

Bunu Ermənistanın sabiq müdafiə naziri Vigen Sərkisyan “Ararat” qəzetinə müsahibəsində deyib.

“ Əminəm ki, Paşinyan bu fikirlərilə Ermənistanda vəziyyəti çətinləşdirməyə çalışmayıb. Lakin onun səsləndirdiyi bəyanatlar nəinki Azərbaycanın aqressiv reaksiyasına, hətta beynəlxalq tərəfdaşlarımızın, xüsusilə də ATƏT-in Minsk Qrupu həmsədrlərinin narahatlığına səbəb olub”, – Sərkisyan bildirib.

Onun sözlərinə görə, baş nazir bəyan edib ki, Ermənistan münaqişə tərəfidir: “Belə bir iddia ilə hər zaman Azərbaycan tərəfi çıxış edib. Həmçinin beynəlxalq ictimaiyyət Ermənistanın Dağlıq Qarabağda təklükəsizliyinin təminatçısı kimi, danışıqlar tərəfdaşı kimi tanıyır. Münaqişə tərəfi kimi deyil. Bu, pis nəticələnə bilər.

Həmçinin baş nazirin danışıqlar prosesində Ermənistan deyil, “Dağlıq Qarabağ Respublikası” (DQR) çıxış etməlidir, deməsi də anlaşılmazıdır. Belə çıxır ki, danışıqlar zamanı Ermənistan ayrı, “DQR” ayrı çıxış edəcək? İndiyə qədər bu, belə olmayıb. Daha sonra isə baş nazir danışıqlar üçün yeni yanaşmadan bəhs edib.

Ola bilsin ki, bu, ön şərtdir. Yəqin ki, baş nazir “DQR” olmadan son qərara nail olunmaz, bildirmək istəyib. Bu mövqe dəfələrlə eks prezident Serj Sərkisyan tərəfindən səsləndirilib. Həmçinin bu yanaşma ATƏT-in Minsk Qrupu həmsədr-ölkələri tərəfindən də dəstəklənir”.

Həmçinin sabiq nazir Paşinyanın “DQR”in beynəxalq tanınması ilə bağlı mövqeyini də “anlaşılmaz” adlandırıb:

“Ermənistan hər zaman bəyan edib ki, statusun beynəxalq tanınması nizamlanla prosesinə də uyğun olmalıdır. Hər zaman tanınma ilə bağlı qətnamələri “DQR” xalqı üçün hörmət əlaməti olaraq alqışlamışıq. Lakin heç vaxt təşəbbüskar kimi çıxış etməmişik”.

Onun sözlərinə görə, baş nazirin bəyanatlarında danışıqlar prosesindən xəbərsizlik hiss olunur: “Misal üçün, sülhməramlıların yerləşdirilməsi məsələsinin heç zaman gündəmdə olmaması ilə bağlı iddia. Sülhməramlıların yerləşdirilməsi məsələsi bir sıra sənədlərdə, o cümlədən Madrid prinsiplərində öz əksini tapıb”.

Oxu.az