Gündəm

Müsahibə

  • " width="300" height="266" />
    Rövşən Ağayev:"Neftin qiyməti 40 dollara düşsə, 2015-ci ilin taleyini yaşamalı olacağıq”  - MÜSAHİBƏ
  • " width="300" height="266" />
    Azərbaycan XİN-dən Paşinyanın Qarabağa səfərinə kəskin reaksiya:"Bu, müharibəyə çağırışdır..."
  • " width="300" height="266" />
    DEPUTAT QÜDRƏT HƏSƏNQULİYEV:"Dəmirçiyan Azərbaycanla gizli danışıqlara görə öldürülüb" - MÜSAHİBƏ
  • " width="300" height="266" />
    Ermənistan partiya lideri:“Bakı və Ankara Naxçıvan ərazisini gələcək hərbi əməliyyatlar üçün poliqona çevirir” – Müsahibə
  • " width="300" height="266" />
    Məhərrəm İncə Azərbaycan mətbuatına danışdı:"SƏSLƏRİMİZİN OĞURLANMASINA İMKAN VERMƏYƏCƏYİK"
  • " width="300" height="266" />
    DEPUTAT VAHİD ƏHMƏDOV:“Təzə təyin olunmuş nazirlər hələlik ünsiyyətdən qaçırlar” – MÜSAHİBƏ
  • " width="300" height="266" />
    “ÖLKƏNİN DAXİLİNDƏ KİFAYƏT QƏDƏR NARAZILIQ VAR” –Bəxtiyar Hacıyev gənclərimizin xaricə getməsinin səbəblərindən danışır (MÜSAHİBƏ)
  • " width="300" height="266" />
    SƏMƏD SEYİDOVDAN TƏSDIQ:“Azərbaycandakı prezident seçkiləri AŞPA-nın gündəliyinə salınıb” – MÜSAHİBƏ
  • " width="300" height="266" />
    Məhəmməd Əmin Rəsulzadənin qız nəvəsi:“Birinci dəfə babamın adına Səməd Vurğunun şeirində rast gəlmişəm” – MÜSAHİBƏ
  • " width="300" height="266" />
    Eldar Namazov:“ABŞ və Rusiyanın geopolitik savaşı Azərbaycanın sərhədlərinə yaxınlaşır” - MÜSAHİBƏ

Qaynar Qazan

Qapalı Mövzu


Vəkil Bürosu

Qadın Sözü

İyun 2018
BE ÇA Ç CA C Ş B
« May    
 123
45678910
11121314151617
18192021222324
252627282930  



XƏBƏR LENTİ

22 İyun 2018
21 İyun 2018

Digər Xəbərlər

12 İyun 2018 - 20:11

“O, GÖZƏL İNSANDIR, BİZ TEZ DİL TAPDIQ” –Tramp Şimali Koreya liderini bərk təriflədi

 

“Amerikanın səsi” radiostansiyasının əməkdaşı Greta Van Susteren iyunun 12-də Sinqapurda ABŞ prezidenti Donald Trampdan müsahibə alıb. Müsahibə Trampla Şimali Koreya lideri Kim Çen In arasındakı tarixi sammitdən sonra baş tutub.

Strateq.az müsahibəni qısa ixtisarla təqdim edir:

 

– Kim Çen In sizi təəccübləndirdimi?

–  O, doğrudan da, gözəl insandır. Baməzədir, çox ağıllıdır, çox yaxşı danışıq aparandır. Xalqını sevir, bundan təəccübləndiyimi deməzdim, ancaq o, xalqını sevir. Düşünürəm ki, əla bir razılaşmanın başlanğıcındayıq. Şimali Koreyanı nüvəsizləşdirəcəyik. Bu, dərhal başlayacaq, bir sıra başqa şeylər də baş verir, Koreya müharibəsində həlak olmuş ABŞ əsgərlərinin qalıqlarının geri alınması da buraya daxildir. Siz daha çox Şimali Koreyayla maraqlanırsınız, ancaq Greta, qalıqların geri alınması bir çoxları üçün vacibdir. Onlar mənə zəng edir, məktublarında yazırdılar ki, “Bunu edə bilərsinizmi?” və o, bunu etməyə razılaşdı, müharibədə minlərlə adam həlak olub, buna görə də böyük razılaşmadır.

– Beləliklə, bu gün insan haqları məsələsini masanın üstünə qoydunuz və o, necə reaksiya verdi?

– Çox yaxşı. Biz vaxtın 90 faizini nüvəsizləşdirmə barədə danışırdıq, ancaq bir çox məsələlərə də toxunduq, insan haqlarından danışdıq, qalıqların qaytarılması böyük amildir, faktiki, bunu sənədə daxil etdik, bunu sənədə sala bildik. Sənədə xeyli yaxşı məsələni sala bildik, çoxları bu qədərini düşünmürdü.

– Pərdə arxasında nə baş verdiyindən bir az danışın, ona ultimatum verdinizmi, ya o, sizə ultimatimtum verdimi?

– Xeyr, ultimatum olmadı. Üç aydır bununla məşğuluq, dövlət katibi Mayk Pompeo daxil olmaqla, müxtəlif təmsilçilərimiz vasitəsilə bununla məşğuluq. Pompeo, həqiqətən, fantastik işlədi. Yəni xeyli vaxt işləmişik və bu gün görüşəndə, dərhal dil tapdıq. Bilirsiz ki, bu, mənim üçün sutkanın 25-ci saatıdır, 25 saatdır yatmıram, çox uzun danışıq oldu və bununla fəxr edirəm. Bununla proses başlanır. Bilirsiz ki, bu, müharibəylə sonuclana bilərdi, milyonlarla adam həyatını itirə bilərdi – Şimali Koreyanı yaxşı tanıyırsız, Seulun 28 milyon əhalisi var, milyonlarla adam həlak olardı, ancaq biz razılaşma əldə edəcəyik.

– Bəs hərbçilərimiz necə olacaq? Cənubi Koreyada qalacaqlarmı?

– Bəli, qalacaqlar. Bunu heç müzakirə etmədik, bu, müzakirə olunmadı. Biz xeyli pula başa gələn hərbi oyunları dayandıracağıq. Harada olduğumuzu bilirsiniz – məncə, birincisi, bu, çox təhrikedicidir. Bunu etmək istəyirəm və məncə, onlar da məmnundurlar, çünki bu onları qıcıqlandırırdı. Tam səmimi danışıq aparanadək bunu etməyəcəyik.

– On illərlə davam edən müharibə təbliğatından sonra Kimi danışıqlar masasına oturmağa nə vadar etdi?

– Əslində, böyük hərbi təbliğat aparıldığını düşünmürəm, məndən əvvəl, onlar əsasən, sükut edirdilər, bu barədə danışmaq istəmirdilər, amma belə olmaz. Məncə, ilkin ritorika çox vacib idi. Səmimi desəm, bunu heç etmək istəmirdim və çoxları da mənim yanlış davrandığımı düşünürdülər. Məncə, elə etməsəydim, indi burda olmazdıq. Onu da düşünürəm ki, o da həqiqətən razılaşma əldə etmək istəyir.

– Amma niyə?

– Çünki bilir ki, biz zarafat etmirik. Məncə, o, keçmişdə bunu hiss etməyib. Məncə, keçmişdə bununla başqaları məşğul olublar və alınmayıb. Ancaq o bilir ki, onunla danışmaq istəyirik, bunu etməliyik və edəcəyik. Biz Şimali Koreya barədə çox sərt danışmışıq. Ancaq bu gün imzaladığımız sənəd adamların düşündüyündən daha böyük və hərtərəflidir. Heç kəs bunun mümkün olacağına inanmırdı.

– Sizcə, o gedəndən sonra haqqınızda nə düşündü?

– Məncə, o, məni bəyəndi, mən də onu. Keçmişdən xəbərim var, bunu yadıma salmağa ehtiyac yoxdur, o, sərt adamdır. O, sərt olamağa məcbur qalıb. Ancaq biz yaxşı dil tapdıq. O ağıllıdır, xalqını, ölkəsini sevir. Çoxlu yaxşı şeylər istəyir və buna görə də danışıq aparırıq.

– Amma onları aclığa məcbur edir, onlarla qəddar davranıb. Yəni, o, xalqını sevir?

– Baxın, o, indiyədək gördüyünü edib. Ancaq mən həqiqətən də bu gün, dünən, iki həftə öncə olanları nəzərdən keçirməliyəm, çünki hər şey o vaxtdan başlayıb. Yenidən, ritorikasız, sanksiyalarsız… Sanksiyalar çox vacibdir və dəyişikliyin baş verdiyini görənədək sanksiyalar qalacaq. Bunu indidən görürük, amma biz nüvə silahlarının ləğvini görənədək sanksiyalar qüvvədə qalacaq.

– “Amerikanın Səsi”-ni Şimali Koreya sakinləri də eşidəcək. Şimali Koreya vətəndaşlarına birbaşa nə demək istərdiniz?

– Sizin qayğınıza qalan lideriniz var. O, onların yaxşılığını istəyir və biz doğrudan da çox yaxşı dil tapdıq. Aramızda qarşılıqlı anlaşma vardı və mənim anlaşmanı, rəğbəti necə dəyərləndirdiyimi bilirsiniz. Bu, çox vacibdir. Bəzi adamlarla qarşılıqlı rəğbət olmayanda alınmır. Ancaq burada ta başlanğıcdan alındı. Bu barədə danışdıq və məncə, Şimali Koreyanı yaxşı gələcək gözləyir.