XƏBƏR LENTİ

19 Noyabr 2018
18 Noyabr 2018

Digər Xəbərlər

14 İyun 2018 - 19:23

KTN-də struktur islahatı: institut ləğv edildi, bazasında yeni qurum yaradıldı –Direktorla bağlı müəmma

Kənd Təsərrüfatı Nazirliyinin tabeliyində olan Kənd Təsərrüfatının İqtisadiyyatı Elmi Tədqiqat İnstitutu ləğv edilərək, onun bazasında “Aqrar Tədqiqatlar Mərkəzi” publik hüquqi şəxs statuslu qurum yaradılıb.

Bu barədə verilən məlumata görə, bu addım Prezident İlham Əliyevin mayın 22-də “Azərbaycan Respublikası Kənd Təsərrüfatı Nazirliyinin tabeliyində Aqrar Tədqiqatlar Mərkəzinin yaradılması haqqında” Fərmanından irəli gəlib: “Mərkəzin nizamnamə fondunun formalaşdırılması üçün Azərbaycan Respublikasının 2018-ci il dövlət büdcəsində nəzərdə tutulmuş Prezidentin ehtiyat fondundan 1 milyon manat ayrılıb”.

Məlumatda qeyd olunub ki, bu gün ləğvetmə elan olunarkən kənd təsərrüfatı nazirinin müavini Seyfəddin Talıbov tərəfindən institutun direktoru, professor Sadiq Salahova bir dəstə gül verilib və “artıq işdən azadsınız” deyilib: “Nazir müavini dedi ki, təhvil-təslimlə bağlı səlahiyyətləriniz də başqasına həvalə olunub”. 

Lakin KTN-dən sayta verilən rəsmi məlumatda isə deyilib ki, yayılan məlumatların əksinə olaraq, institutun direktoru Sadiq Salahov hələlik postunda saxlanılıb: “Hələ bu gün institut ləğv edilərək, bazasında publik hüquqi şəxs yaradılıb. Təhvil-təslim indi başlayır. Buna görə də Sadiq Salahovun vəzifəsindən azad edilməsini demək doğru deyil. Proses yeni başlayıb və ola bilər ki, o, yeni qurumun rəhbəri də təyin edilə bilər”/Mia.az