XƏBƏR LENTİ

18 Noyabr 2018
17 Noyabr 2018
16 Noyabr 2018

Digər Xəbərlər

08 Sentyabr 2018 - 17:21

İraq parlamenti Bəsrədə yaranmış vəziyyətlə bağlı toplaşdı- TƏCİLİ İCLAS

Bu gün İraqın Nümayəndələr Şurası (parlament) Bəsrə şəhərində vəziyyətin gərginləşməsinə və əyalətin üzləşdiyi humanitar böhrana həsr olunan təcili iclasa toplaşıb.

Azərtac TASS informasiya agentliyinə istinadla xəbər verir ki, İraqın Baş naziri Heydər əl-Əbadi, daxili işlər naziri Qasım əl-Əraci, Bəsrə əyalətinin qubernatoru Əsəd əl-Əydani də parlamentin növbədənkənar sessiyasına gəliblər. Müzakirələrdə hökumət rəhbərinin cənub əyalətini bürüyən böhrandan çıxış planını təqdim edəcəyi gözlənilir. Bundan öncə isə əl-Əbadi nazirlər kabinetinin növbədənkənar iclasını çağırmışdı.

İçməli su qıtlığı, kütləvi zəhərlənmələr və elektrik enerjisində yaranan fasilələrdən əziyyət çəkən Bəsrə şəhərində son günlər vəziyyət xeyli gərginləşib. Yaşayış səviyyəsindən narazı olan şəhər əhalisi artıq bir neçə aydır ki, hökumət əleyhinə aksiyalar keçirirdi. Sentyabrın 4-də isə etirazların yeni dalğası başlayıb.

Sentyabrın 7-də şəhərdə keçirilən etiraz aksiyalarında 20 min nəfərdən çox insan iştirak edib. Etirazçılar dövlət müəssislərini, siyasi partiyaların mənzil-qərargahlarını, silahlı birləşmələrin filiallarını yandırıb, İran konsulluğuna hücum edib və “Qərbi Kurna-2” neft kompleksinin ərazisinə daxil olublar.

KİV-lərin məlumatına əsasən, vəziyyətin stabilləşməsi üçün Bəsrəyə ordunun gücləndirilmiş xüsusi təyinatlı qüvvələri yeridilib. Sentyabrın 8-i səhər saatlarında şəhərdə vəziyyət nisbətən sakitləşib, etirazçılar aksiyaları dayandıracaqlarını bildirib, hökumət isə buna cavab olaraq fövqəladə vəziyyət rejimini ləğv edib. Baş nazir Heydər əl-Əbadi fəaliyyətsizliyi kütləvi yanğınlar və dövlət əmlakının korlanması ilə nəticələnən güc strukturlarına qarşı təhqiqata başlamaq əmri verib.

Ölkənin Səhiyyə Nazirliyinin məlumatına əsasən, cənub liman şəhərində baş verən iğtişaşlar ötən gecə ərzində 3 nəfərin ölümü, 50-dən çox insanın yaralanması ilə nəticələnib. Bir neçə gün davam edən iğtişaşlar nəticəsində isə ümumilikdə 10-dan çox insan həlak olub.