XƏBƏR LENTİ

16 İyul 2019
15 İyul 2019

Digər Xəbərlər

14 May 2019 - 13:25

“Açıq deyim ki, proses asan deyil” –Elmar Məmmədyarov Aİ ilə imzalanacaq sazişdən danışdı

“Azərbaycan ilə Avropa İttifaqı arasındakı əməkdaşlıq uğurla inkişaf edir”.

Bunu Azərbaycanın Xarici İşlər naziri Elmar Məmmədyarov Brüsseldə deyib.

O, “Şərq Tərəfdaşlığı” Proqramının onilliyinə həsr olunmuş Yüksək Səviyyəli Konfransda keçirilən “Şərq Tərəfdaşlığı”nın 10 ili: Konkret nəticələrin əldə olunmasında uğurlar və çağırışlar” paneli çərçivəsində çıxış edib.

“Avropa İttifaqı Azərbaycan iqtisadiyyatının əsas investorudur, buna görə də hesab edirəm ki, əməkdaşlığımız uğurla inkişaf edir. Azərbaycanla Avropa İttifaqı arasında yeni saziş üzrə danışıqlar aparırıq. Açıq deyim ki, proses asan deyil. Mümkün qədər yüksək templərlə danışıqlar aparmağa çalışırıq. Faktiki olaraq, hər həftə sənədin ən qısa müddətdə qəbul edilməsinə yardım edən video-körpülər keçiririk. Hesab edirəm ki, bu sənəd çox vacibdir“, – E.Məmmədyarov bildirib/Report.