XƏBƏR LENTİ

11 Dekabr 2019

Digər Xəbərlər

14 Avqust 2019 - 00:54

Sərhədçilərimizdən Qazax istiqamətində ciddi uğur –Döyüş postları irəli çəkildi, önəmli yüksəkliklərdə mövqe tutuldu

Son aylarda Azərbaycan-Ermənistan dövlət sərhədindəki gərginliyin səbəbləri məlum olur.

Azərbaycan-Ermənistan dövlət sərhədində son zamanlar Ermənistan Ordusunun həyata keçirdiyi təxribatlara cavab olaraq Dövlət Sərhəd Xidməti tərəfindən ciddi tədbirlər həyata keçirilir.

“Azeri Defence”nin məlumatına görə, düşmənin Babakər dağı istiqamətində mövqelərini önə çəkmə cəhdlərinə qarşı DSX tərəfindən önləyici tədbirlər həyata keçirilib. Belə ki, Dövlət Sərhəd Xidmətinin sərhəd qoşunlarının ərazidəki bölmələri düşmən tərəfindən yeni mövqelərin ələ keçirilmə niyyətlərinə qarşı hərəkətə keçərək, sərhəd döyüş məntəqələrini bir sıra istiqamətləridə daha irəli çəkməyə nail olublar.

Sərhədçilərimiz tərəfindən tutulmuş yeni mövqelərdən düşmənin Ermənistan Respublikası ərazisindəki döyüş postlarına və bu postları birləşdirən yollara nəzarət imkanı əldə olunub.

Eləcə də düşmən tərəfindən əvvəllər atəş altına tutulan yaşayış məntəqələrinə olan təhlükə aradan qaldırılıb.