XƏBƏR LENTİ

18 Sentyabr 2019
17 Sentyabr 2019

Digər Xəbərlər

03 Sentyabr 2019 - 14:23

“”Xəzər TV”də mənəm-mənəm deyirdi, indi qulağından tutub gətirəcəklər” –Flora Kərimovadan qəzəbli açıqlama

Xəbər verdiyimiz kimi, xalq artisti Flora Kərimova jurnalist Ülviyyə Alovlunu məhkəməyə verib.

Dünən Binəqədi Rayon Məhkəməsində Flora Kərimovanın təhqir və böhtanla bağlı Muradova Ülviyyə Niyaz qızına (Ülviyyə Alovlu)  qarşı xüsusi ittiham qaydasında verilmiş şikayətinə əsasən məhkəmə baş tutub.

Strateq.az xəbər verir ki, Xalq artisti “Yeni Sabah”a açıqlamasında məhkəmənin təxirə salındığənı bildirib:

“Ülviyyə qorxdu gəlmədi. Bir gün ondan qabaq “Xəzər TV”də mənəm-mənəm deyirdi. Alovla danışırdı ki, guya mən yalan danışıram, ona böhtan atıram. Deyirdi ki, “müğənnilər kimdir ki, öz fikirlərini deyirlər?” Çox tərbiyəsiz sözlər işlədirdi. Dünən isə gəlmədi, qorxdu. Məhkəmə də məndən sənədləri aldı, təxirə düşdü. Bu cinayət işidir deyə, hazırlıq iclasına gəlməyəndə təxirə düşür. Çünki qarşı tərəf mütləq orada olmalıdır. Məhkəmə bildirdi ki, onun gəlişi mütləq təmin olunmalıdır. Yəni, artıq onu harda gördülərsə “qulağından tutub gətirmək” lazımdır. Buna görə də məhkəmə təxirə salındı. Yenidən məhkəməmiz olacaq”. 

Qeyd edək ki, tərəflər arasında qalmaqala Flora Kərimovanın videosu yayılan üç qız barədə “Sabah bizim, millət olaraq, namusdan söz düşəndə oğullarımızın üzünə şillə kimi bu videonu çırpacaqlar ki, sənin “qadının” budur, sənin “kişin” budur, sənin “qeyrətin-namusun” budur?!”, – deyə fikir bildirməsi və jurnalist Ülviyyə Alovlunun bu sözlərə sərt reaksiyası verməsi səbəb olub.