Gündəm

Müsahibə

  • " width="300" height="266" />
    GENERAL MƏHƏRRƏM ƏLİYEV İSLAHATLARDAN DANIŞDI:"Önəmli işlər görülür" - Müsahibə
  • " width="300" height="266" />
    Deputat Qüdrət Həsənquliyev:“Pulları yeyib, özlərinə villa, yaxta alıblar, indi dövlət onların borcunu ödəyir” – MÜSAHİBƏ
  • " width="300" height="266" />
    Britaniyalı jurnalist Edvard Lukas:"Putin rejimi xaricdən sabit görünür, daxildə ciddi qayğıları var" - MÜSAHİBƏ
  • " width="300" height="266" />
    “PLAN MƏLUMDUR…” –Nazirdən Qarabağ danışıqları ilə bağlı mühüm açıqlamalar
  • " width="300" height="266" />
    Deputat Fəzail Ağamalı prezident seçkilərindən danışdı:"...Mehriban xanım prezidentlik marafonuna qoşulmayacaq" - Müsahibə
  • " width="300" height="266" />
    Keçmiş prezident Kərzai:“Əfqanıstandakı İŞİD-i ölkəmizi qurban vermək istəyən xarici qüvvələr yaradıb” – Müsahibə
  • " width="300" height="266" />
    PUTİNİN AZƏRBAYCANLI DOSTUNDAN SENSASİON QARABAĞ AÇIQLAMASI:"Sülhməramlıların yerləşdirilməsində Moskvanın şərti var" - MÜSAHİBƏ
  • " width="300" height="266" />
    Bakı Metropolitenində yeniliklər:liftlər, yeni stansiyalar, yeni qatarlar... (Müsahibə)
  • " width="300" height="266" />
    PUTİNİN BAŞ STRATEQİNDƏN SENSASİON AÇIQLAMALAR:"MKİ o gecə Putinin ətrafıyla danışmışdı ki, Ərdoğana qarşı mövqe tutsun" - MÜSAHİBƏ
  • " width="300" height="266" />
    Tofiq Zülfüqarov yeni qurum yaradır:“Eldar Namazovla görüşəcəyik...” MÜSAHİBƏ

Qaynar Qazan

  • " width="300" height="266" />
    Tomrid Hatəmi yaxın tarixin yaralarından danışır:“Elçibəylə Hatəmini kimlər ayırdı?!”-VİDEO
  • " width="300" height="266" />
    Məhəmməd Hatəminin qardaşı:“Meydan”dakı döyüşkən ruh, Məhəmməd Hatəminin ruhu idi...-VİDEO
  • " width="300" height="266" />
    Məhəmməd Hatəminin qardaşı Tomrid Hatəmi:“NKVD Pişvərini oğurlayıb Bakıya gətirdi”-VİDEO
  • " width="300" height="266" />
    Elçibəyin icra başçısı gizlinlərdən danışdı:“Tamara söhbəti 100 faiz yalandır”-VİDEO
  • " width="300" height="266" />
    Elçibəyin icra başçısı qiyamın səbəblərini açdı:“Sürət Hüseynovla hakimiyyəti üz-üzə qoyan üçüncü qüvvə var idi...”-VİDEO
  • " width="300" height="266" />
    Keçmiş başçıdan tarixi açıqlamalar:“Elçibəy Nizami məqrəbəsində məni yanına çağırdı ki...”-VİDEO
  • " width="300" height="266" />
    Məhəmməd Əminin silahdaşı danışdı:“Məhəmməd Əmini prezident kimi dəfn etdilər”-VİDEO
  • " width="300" height="266" />
    “Quran”a izah yazan Sərdar Cəlaloğlu:“Təriqətlərə bölünmənin yanlış olduğu "Quran"da göstərilib” - VİDEO
  • " width="300" height="266" />
    Sərdar Cəlaloğlu Rəsul Quliyevdən danışdı:"Onda gördüm ki, bu, Heydər Əliyevin siyasətini dəstəkləmir" - VİDEO
  • " width="300" height="266" />
    Nobeli adiləşdirən adam – Sərdar Cəlaloğlu:"Gücsüz mitinqlər güclü iqtidarı bir az da gücləndirir"-VİDEO

Qapalı Mövzu





Vəkil Bürosu

Noyabr 2017
BE ÇA Ç CA C Ş B
« Okt    
 12345
6789101112
13141516171819
20212223242526
27282930  

XƏBƏR LENTİ

24 Noyabr 2017
23 Noyabr 2017

13 Sentyabr 2017 - 15:40

Deputat Qüdrət Həsənquliyev:“İlham Əliyev iqtidar daxilində yeganə birləşdirici fiqurdur” – MÜSAHİBƏ

Prezidentin məsələyə qarışmasından sonra “Turan” İnformasiya Agentliyinin direktoru Mehman Əliyevin üzərindən həbs-qətimkan tədbirinin dəyişdirilməsi son zamanların ən ciddi və pozitiv hadisəsi oldu. Agentlik rəhbərinin üzərindən həbs cəzasının götürülməsinin zəruriliyini bildirib bununla bağlı ölkə rəhbərliyinə mətbuat vasitəsilə müraciət edən şəxslərdən biri də BAXCP sədri, deputat Qüdrət Həsənquliyev olmuşdu.

Deputat “Yeni Müsavat” qəzetinə müsahibəsində Mehman Əliyevin həbsi məsələsiylə bağlı bəzi məqamlara toxunub.

Strateq.az həmin müsahibəni öz oxucularına təqdim edir:

 

– Qüdrət bəy, ölkə prezidenti çoxsaylı müraciətləri nəzərə alıb Mehman Əliyevlə bağlı humanist qərar verdi. Həmçinin Nardaran hadisələri ilə bağlı həbs olunanlar da azadlığa qovuşdu. Bu qərarları necə dəyərləndirirsiniz və bundan sonra belə addımların davamını gözləyirsinizmi?

– Düzünü desəm, Mehman Əliyevin barəsində seçilmiş həbs-qətimkan tədbirinin dəyişdirilməsi qərarı, müəyyən mənada, mənim üçün gözlənilməz oldu. Bu, ölkənin maraqlarına cavab verən, həm də humanist bir qərardır, o baxımdan da alqışlanmalıdır. Mehman Əliyevlə yanaşı, Nardaran hadisələrinə görə həbs olunmuş 14 nəfər də azadlığa buraxılıb, bu da müsbət addımdır və mən bu addımı da alqışlayıram. Düşünürəm ki, gələcəkdə də belə addımlar atılmalıdır. Beynəlxalq təşkilatların siyasi məhbus hesab etdiyi – əsassız olmasından asılı olmayaraq, digər siyasi məhbus hesab edilən şəxslərin də azadlığa buraxılması doğru addım olar. Xüsusilə ağır cinayətlər, şəxsiyyət əleyhinə, dövləti cinayətlər törətmiş şəxslər, sabitliyə təhlükə yarada biləcək ekstremist qüvvələr istisna olmaqla, digər bu kateqoriyadan olan şəxslər də azadlığa buraxılmalıdır. Söhbət ondan getmir ki, bu insanlar elə beynəlxalq təşkilatların dediyi kimi, siyasi məhbusdurlar. Onların hər birinə Cinayət Məcəlləsinin müxtəlif maddələri ilə ittiham elan olunub. Onlar bu və ya digər qanunla qorunan ictimai münasibətləri pozmağa görə məsuliyyətə cəlb olunublar. Amma dünyada insan hüquqları sahəsində ixtisaslaşmış beynəlxalq təşkilatların – hansılar ki, onlar qiymətləndirmə aparırlar ki, kimi siyasi məhbus hesab etmək olar – onların çağırışlarını nəzərə almaq lazımdır. Ona görə ki, bunlar bir gücdür, ölkənin imicinin formalaşdırılmasında müstəsna rol oynayırlar. Yəni Azərbaycan haqqında vəziyyəti öyrənmək istəyən hansısa ölkənin vətəndaşı, – istər sahibkar, istər mədəni, yaxud siyasi əlaqə qurmaq istəyən şəxs olsun, – ölkə haqqında məlumat toplamaq istəyəndə həmin beynəlxalq təşkilatların bu ölkə ilə bağlı hesabatlarını oxuyur. Yəni orada qanunun aliliyi necə təmin olunur, insan haqları ilə bağlı vəziyyət nə yerdədir. Bunları öyrənəndən sonra həmin ölkə ilə öz münasibətlərini qururlar. Buna görə də hətta haqsız olmalarından asılı olmayaraq, biz onların çağırışlarını qulaqardına vura bilmərik. O şəxslər ki ölkə, cəmiyyət üçün təhlükə törətmir, onlarla bağlı daha humanist qərarlar qəbul etmək lazımdır.

– Yəni dünya reallıqlarını nəzərə almağı təklif edirsiniz…

– Təbii ki. Məsələn, hamımız bilirik ki, Rusiya olmasa, Azərbaycan Dağlıq Qarabağ münaqişəsini çoxdan həll eləmişdi. Amma biz Rusiyanın güc olmasını nəzərə alıb, hətta yeri gələndə, ona vasitəçilik missiyasına görə minnətdarlıq da edirik. Niyə? Məcburuq, ona görə. Düşünürük ki, böyük qonşumuz kimi Rusiya Azərbaycan üçün daha ciddi problemlər yarada bilər. O baxımdan, eyni yanaşma beynəlxalq birliyə də olmalıdır. Bizim Qərblə münasibətlərimizin tamamilə korlanması ona gətirib çıxara bilər ki, Rusiya görsə ki, bizə Qərbdən heç bir dəstək yoxdur, bizi ayaq altına atar. O baxımdan, dövlət maraqları tələb edir ki, biz indiki balanslaşma siyasətini davam etdirək. Bunun üçün də Qərblə münasibətləri sona qədər korlamağa dəyməz. Bu gün biz Türkiyə ilə Qərbin münasibətlərindəki problemləri ürək ağrısı ilə izləyirik. Azərbaycanla da analoji bir vəziyyətin yaranmasına imkan vermək olmaz. Ona görə ki, bizim Qarabağ kimi problemimiz var. Bu problem bizi daha ehtiyatlı siyasət yürütməyə vadar edir.

– Prezident seçkilərinə bir il qaldığı ərəfədə belə yanaşma var ki, Azərbaycana həm Rusiya, həm də Qərb təzyiq edir. Belə bir vəziyyətdə siz qarşıdakı seçkilərlə bağlı nələr düşünürsünüz?

– Yenə də seçki ərəfəsi həm Qərbə, həm də Rusiyaya bağlı olan müəyyən siyasətçilər aktivləşə bilər. Amma həm Azərbaycan xalqı, həm prezidentin özü o insanların arzularını gözündə qoyacaqlar. Biz qəti şəkildə imkan verməməliyik ki, hansısa xarici dövlətlər Azərbaycanın daxili siyasətinə təsir etsinlər və özlərinin hansısa bir əlaltısını burada hakimiyyətə gətirsinlər. Azərbaycan dövləti də hazırda kifayət qədər güclüdür və belə cəhdlər olarsa, qarşısını qətiyyətlə alacaq. Amma belə cəhdlərin ola bilmə ehtimalı həddindən artıq böyükdür. Ona görə ki, Azərbaycan çox strateji bir bölgədə yerləşir. Hamı istəyir ki, cənubla şimalın, şərqlə qərbin arasındakı körpü, dəhliz olan, karbohidrogen ehtiyatları ilə zəngin, eyni zamanda nəqliyyat dəhlizi olan ölkədə maraqlarını təmin etsin. Azərbaycanda söz sahibi olmadan Cənubi Qafqazda söz sahibi olmaq mümkün deyil. O baxımdan, Azərbaycanla həm əməkdaşlıq etmək istəyirlər, həm də istəyirlər ki, siyasi hakimiyyətə təsir rıçaqları olsun. Bu baxımdan, gərək xalqımız da, siyasətçilərimiz də belə bir vəziyyətə hazır olsun. O məqsədlər üçün dövriyyəyə böyük pullar da buraxıla bilər, müxtəlif terror hadisələri, təxribatlar da ola bilər. Buna görə də cəmiyyət son dərəcədə ayıq olmalıdır, yayılan dezinformasiyalara təmkinli yanaşmalıdır.

– Hakimiyyətin namizədi kim olacaq sualı üzərində də baş sındıranlar tapılır. Bu cür fikirlərə münasibətiniz necədir?

– Ağlı başında olan adam başa düşməlidir ki, hazırda İlham Əliyevdən başqa – mən bunu tam səmimiyyətlə söyləyirəm – ölkəni qansız-qadasız, sabitlik pozulmadan yeni bir mərhələyə keçirməyə qadir başqa birisi yoxdur. İqtidar daxilində İlham Əliyev yeganə birləşdirici fiqurdur. Nəzərə alsaq ki, iqtidar partiyası ilə dövlət aparatı birləşib, iqtidar partiyası eyni zamanda dövlət aparatı deməkdir, deməli, dövlət aparatında da, YAP-da da birləşdirici fiqur məhz İlham Əliyevdir. Yalnız o, inqilabsız islahatlar həyata keçirməyə qadirdir.

Deməli, sən demokratik cəmiyyət istəyirsənsə, İlham Əliyevə müxalifətdə olsan da, islahatların aparılmasına dəstək verməlisən. Konstitusiyadan kənar hər hansı üzdəniraq şizofrenik inqilabi yolla Azərbaycanda hakimiyyət dəyişikliyini arzulaya bilər, buna cəhd, inanın, Azərbaycanı dəhşətli fəlakətlə üz-üzə qoya bilər. Özü də indiki Azərbaycan 1992-93-cü illərdəki Azərbaycan deyil. O zaman insanlar sovet dövründə formalaşmış fərqli ali dəyərlərə bağlı idilər. İndi isə bizdə nə sovet dəyərləri qalıb, nə də inkişaf etmiş kapitalizmə xas olan dünyagörüş də tam mənada formalaşıb. Ona görə bu gün hər hansı bir yolla antikonstitusion yolla hakimiyyət dəyişikliyinə cəhd ona gətirib çıxara bilər ki, Azərbaycan bölgə-bölgə, rayon-rayon bölünər, insanlar bir-birini qırar. Ona görə də bu gün İlham Əliyev birləşdirici fiqurdur. Yalnız yuxarıdan islahatlar yolu ilə biz cəmiyyəti dəyişdirə bilərik. Hər hansı başqa yol, yəni antikonstitusion yol bu ölkə üçün nəticəsini proqnozlaşdıranda belə, adamı dəhşətə salan faciələrə yol aça bilər.

Bəzi xarıcdə sığınacaq taparaq özlərinin və ailələrinin təhlükəsizliyini təmin etmiş əxlaqsız və murdar ünsürlər cəmiyyəti parçalamaq və vətəndaş qarşıdurması yaratmaq üçün gecə-gündüz kəskin kampaniya aparırlar. Bilməmiş deyilsiniz, bəzən balaca küçüklər aya baxıb hürürlər, görəndə ki, heç nə dəyişmir, ay yerində durur, susurlar. Amma küçükdən də ağılsız belələri susmur. Ona görə ki, vətəndaş qarşıdurması olarsa, öz övladlarını itirmə təhlükəsi yoxdur. Azərbaycan insanını bu gün keçmişdə hansı səhvlərin, qanun pozuntularının olması düşündürmür. Cəmiyyəti iki məsələ düşündürür: 1. Ölkədə sabitliyi kim qoruyub-saxlaya bilər? 2. Ölkədə kim islahatları dərinləşdirə bilər ki, əhalinin sosial vəziyyəti yaxşılaşsın, ölkə iqtisadiyyatı güclənsin və bunun nəticəsi olaraq da Qarabağı azad edə bilək. Cəmiyyəti bunlar düşündürdüyü üçün radikal çağırışlara heç əhəmiyyət verən də olmur. Çünki cəmiyyət gələcək barədə düşünür. Bax, o dediyim məsələləri də İlham Əliyevin etməyə çox böyük imkanları var. Ona görə də islahatların dərinləşdirilməsi istiqamətində İlham Əliyevdən çox böyük gözləntilər var.

– Yuxarıdakı fikirləriniz, hakimiyyəti birmənalı dəstəkləməyiniz həm də o demək deyilmi ki, 2018-ci il seçkilərində BAXCP sədri olaraq namizəd olmayacaqsınız?

– Mən Azərbaycanın xoşbəxt gələcəyini yuxarıdan aparılan islahatlarda görürəm, ölkəmizdə Qərb demokratiyasının qurulması üçün potensialımız yetərli deyil. Biz ilk növbədə yeni təfəkkürlü insanların formalaşması üçün çalışmalıyıq. Hakimiyyətə susamış insanlara baxın və bir anlığa onları hakimiyyətdə təsəvvür edin. Prezident seçkilərinə gəldikdə isə indidən birmənalı fikir söyləmək istəmirəm. Çünki biz ölkənin gələcəyini parlamentli respublika modelində görürük və hər bir prezident seçkisi partiya üçün imkandır ki, bu ideyanı daha geniş şəkildə insanlara çatdıra bilək. Hələ seçkilərə bir ildən də artıq zaman var, bu kifayət qədər çoxdur. Ola bilər ki, bizim fikirləri bölüşən başqa namizədi dəstəkləyək, yaxud özümüz seçkidə iştirak edək. Amma söhbət bu gündən gedir. Mən daha çox antikonstitusion yolla hakimiyyət dəyişikliyinə qarşıyam. Bir qrup insanlar bu hakimiyyət dəyişməyəcəyi təqdirdə islahatların mümkünsüzlüyündən danışırlar. Bu gün ölkədə islahatları qansız-qadasız aparmaq gücünə, imkanına malik olan tək şəxs İlham Əliyevdir.

– Siz bir qayda olaraq islahatlarla bağlı çağırışlar edibsiniz. Bununla bağlı hansı gözləntiləriniz var?

– Bizim çağırışlarımız ona yönəlib ki, islahatlar dərinləşdirilsin. Artıq bir ilə yaxındır “Yol xəritəsi” imzalanıb, amma orada nəzərdə tutulan hədəflərə çatmaq üçün görülən işləri yetərli saymıram. Nazirliklər üzərinə müəyyən vəzifələr qoyulmuşdu, o istiqamətdə lazımi addımlar atılmır. Deməli, kadr dəyişikliyinə də getmək lazımdır. İlham Əliyev yeni, daha çevik komanda formalaşdırmalıdır. Əlbəttə, bu, o demək deyil ki, köhnə komandadan bütünlüklə xilas olmalıdır. Orada kifayət qədər təcrübəli, hazırlıqlı, prezidentə sadiq insanlar var. Xüsusilə də iqtisadi sahədə, maliyyə sektorunda daha çevik islahatlar aparmaq gücündə olan bir komanda formalaşmalıdır. Yubanmadan bu addımları atmaq lazımdır. Seçkilərə qədər bir il var və bu müddətdə xeyli iş görmək olar.

 

Elşad PAŞASOY

musavat.com