XƏBƏR LENTİ

12 Noyabr 2018

Digər Xəbərlər

24 Noyabr 2017 - 20:20

Həbsdə olan general Elçin Quliyevdən şok açıqlama:“Sifarişi Eldar Mahmudov verib, prokurorluq həbs edib”

Bu gün Bakı Hərbi Məhkəməsində ləğv edilmiş MTN-in generalı Elçin Quliyev keçmiş nazir Eldar Mahmudov haqda sensasion fakt açıqlayıb.

“Qafqazinfo”nun verdiyi xəbərə görə, hakim Elbəyi Allahverdiyevin icraatında olan prosesdə zərərçəkən şəxslər və vəkilləri çıxış edərək mülki iddialarının təmin edilməsini istəyiblər. Zərərçəkən Xaliq Sadıxov E.Quliyevə qarşı 300 min manatlıq iddia qaldırıb və ödəməsini tələb edib. Qeyd edək ki, ötən iclasda dövlət ittihamçısı çıxış edərək E.Quliyevin 15 il, A.Mehtiyevin 13 il müddətinə azadlıqdan məhrum edilməsini tələb edib. Həmçinin E.Quliyevdən general, A.Mehdiyevdən polkovnik rütbəsinin alınması üçün təqdimat verilməsini və əmlaklarının müsadirə edilməsini istəyib…

Prosesdə general E.Quliyev və polkovnik A.Mehdiyevin vəkilləri çıxış edərək müvəkkillərinin günahsız olduğunu deyiblər və onlara bəraət verilməsini istəyiblər. E.Quliyev isə keçmiş nazir Eldar Mahmudov haqda sensasion fakt açıqlayıb: “Mənim heç bir günahım yoxdur. Mətləb Mustafayevin həbs edilməsi üçün Eldar Mahmudov öncədən prokurorluqla razılaşmışdı, ondan sonra Mətləbin mənzilinə tapança qoyuldu. Mətləbin istintaqını mən aparsam da, onun həbsinin sifarişini Eldar Mahmudov verib, prokurorluq isə həbs edib".

M.Mustafayev də deyib ki, ötən prosesdə E.Quliyev ifadəsində nazir E.Mahmudovun onunla görüşə cəhd etdiyini bildirib: “Eldar Mahmudov vəzifədən azad olunandan sonra Elçin Quliyevlə məxfi yollarla görüşmək istəyib, lakin Elçin razılaşmayıb".

Proses noyabrın 27-də davam etdiriləcək.