XƏBƏR LENTİ

19 İyul 2019
18 İyul 2019

Digər Xəbərlər

21 İyun 2019 - 15:34

Müəllimlərin qəbul imtahanı… –Hansı rayonlarda daha çox qayda pozuntusuna yol verilib?

“Təhlillər göstərir ki, ötən ilin qəbul imtahanlarında nəzarətçi kimi iştirak edən ana dili və ədəbiyyat, idman, əmək, ibtidai təhsil, ingilis dili ixtisaslı müəllimlər riyaziyyat, fizika, kimya, biologiya, tarix, coğrafiya ixtisaslı müəllimlərə nisbətən qayda pozuntusuna daha çox yol verirlər”. 

bu barədə Dövlət İmtahan Mərkəzinin “Abituriyent” jurnalının 12-ci sayında bildirilib.

Belə ki, 2018-ci ildə qayda pozuntusuna yol verənlərin 17,1%-i ibtidai təhsil, 14,2%-i ingilis dili, 13,8%-i tarix, 12,7%-i ana dili və ədəbiyyat, 6,9%-i kimya, 4,4%-i əmək təlimi müəllimləridir.

Məlumata görə, son illərdə Sumqayıt şəhərinin, Qubadlı, Zəngilan, Bərdə, Yevlax rayonlarının məktəblərindən olan nəzarətçilər arasında qayda pozuntularına yolvermə hallarının daha çox olduğu müşahidə olunub.

Qayda pozuntusuna yol verən nəzarətçilərin ümumi sayı 275, ciddi qayda pozuntusuna yol verənlərin sayı isə 90 nəfərdir/Report.