Gündəm

Müsahibə

  • " width="300" height="266" />
    Eldar Namazov Rusiyadakı seçkilərdən danışdı:“Bu perspektiv Kremli çox qorxudur” – MÜSAHİBƏ
  • " width="300" height="266" />
    Əvəz Temirxan “20 Yanvar” hadisələrinin gizli məqamlarını açdı:"Zayçevlə mübahisəmiz düşdü, o, tələb etdi ki, bunları protokoldan çıxarım..."
  • " width="300" height="266" />
    Sabiq YAP-çı deputatdan maraqlı açıqlamalar:"Dövlət şəxsi hisslərin idarəçiliyə daşınmasından əziyyət çəkir" - MÜSAHİBƏ
  • " width="300" height="266" />
    Ayaz Mütəllibov:“20 Yanvarın araşdırılması üçün məhkəmə qurulmasını istəyirəm” – MÜSAHİBƏ
  • " width="300" height="266" />
    ATƏT nümayəndəsi Azərbaycanda medianın durumunu sərt tənqid etdi:"Rəsmilər söz versələr də, bunu yerinə yetirmirlər" - MÜSAHİBƏ
  • " width="300" height="266" />
    Əliməmməd Nuriyev:“BDU-ya müstəqillik verilməsi 100 illik yubileyinə ən böyük töhfə olardı”
  • " width="300" height="266" />
    Deputat Qüdrət Həsənquliyev:"Sərvətlər mənimsənir, əhalinin böyük qismi kasıb yaşayırsa, bunun işğalçılıqdan fərqi yoxdur" - MÜSAHİBƏ
  • " width="300" height="266" />
    ABŞ-da yaşayan politoloq Ərəstun Oruclu:“Azərbaycan İranda sabitliyin olmasını istəməlidir” – MÜSAHİBƏ
  • " width="300" height="266" />
    Fazil Mustafa:“İranda dövlət hakimiyyəti uğrunda amansız mübarizə gedir”- MÜSAHİBƏ
  • " width="300" height="266" />
    RƏSUL QULİYEVDƏN İRAN HADİSƏLƏRİNƏ DAİR MARAQLI ANALİZ:"İran xalqı indiki rejimi dəyişməyə cəhd edəcək" - MÜSAHİBƏ

Qaynar Qazan

Qapalı Mövzu





Vəkil Bürosu

Qadın Sözü

Yanvar 2018
BE ÇA Ç CA C Ş B
« Dek    
1234567
891011121314
15161718192021
22232425262728
293031  

XƏBƏR LENTİ

18 Yanvar 2018
17 Yanvar 2018

12 Yanvar 2018 - 21:00

MÜSƏLMANLAR ÜÇÜN ƏN PİS İL –Trampın "müsəlman qadağası"nın təsirləri

Ötən il ABŞ prezidenti Donald Tramp altı müsəlman ölkəsindən ziyarətçilərin və potensial qaçqınların gəlməsini məhdudlaşdıran "müsəlman qadağasını" elan etdi. Qərarın tənqidçiləri onun ABŞ-da əlavə islamofobiya dalğasına yol açacağından narahat idilər. Belə bir dalğa onsuz da mövcud idi və bəllidir ki, Tramp öz seçki kampaniyasını antiislam hissləri üzərində qurmuşdu.

“Vox” nəşrinin yazarı Zak Beauşamp bu addımı "islamofobiyanı Amerikanın immiqrasiya siyasətinin rəsmi mayakına çevirmək" tələsi adlandırmışdı. Onun sözlərinə görə, Tramp bu yolla hakimiyyətə gəlmək üçün gen-bol yararlandığı ksenofobiya və rasizmi qanuniləşdirmək və sistemləşdirmək istəyir. Bir çox məqamlarda Trampın bu strategiyası uğurlu olub. Həm bu qadağa, həm də ümumilikdə Trampın prezidentliyi ABŞ-da yeni islamofobiya insidentləri dalğasının baş qaldıracağından xəbər verir.

MÜSƏLMANLAR ÜÇÜN ƏN PİS İL

Amerika İslam Münasibətləri Şurası (CAIR) bildirir ki, 2017-ci il Amerika müsəlmanları üçün ən pis illərdən biri olub. Bu il ərzində müsəlmanlar zorakılıq və nifrət çıxışları ilə üzləşiblər. Belə çıxışların sayı hətta 11 sentyabr hücumlarından sonrakı 2002-ci ildəkindən də artıq olub.

Ancaq Political Behavior jurnalının bu həftə dərc etdiyi araşdırmada iddia edilir ki, Tramp-n müsəlman qadağası, əslində, gözlənilməyən müsbət nəticə verib.

Məqalənin müəllifləri Riversayddakı Kaliforniya Universiteti, Miçiqan Dövlət Universiteti və Delaver Universitetindən politoloqlar Loren Collingwood, Nazita Lajevardi və Kassra A.R. Oskooiidir.

Məqalədə deyilir ki, müsəlman qadağasından narazılıq, liberal və meynstrim medianın bu siyasətin "Amerika dəyərlərinə" zidd olduğunu qabartması bəzi respondentlərin qadağaya yanaşmasını dəyişib. Nəticə etibarilə, əvvəllər bu qadağanı dəstəkləyən, yaxud ona neytral yanaşan bir çox amerikalı indi ona qarşıdır.

Tədqiqat komandası 2017-ci ilin əvvəlində, Trampın qadağanı imzalamasından bir həftə öncə və bir həftə sonra 423 nəfər arasında sorğu keçirib. Araşdırmanın müəlliflərinin gəldiyi qənaətə görə, medianın bu qadağaya kəskin reaksiyası və ictimai müzakirə bir çox sorğu iştirakçılarının məsələyə münasibətinin dəyişməsinə yol açıb. Qərardan bir həftə öncə və bir həftə sonra keçirilən sorğunun nəticələrinin müqayisəsi üzə çıxarıb ki, sorğu iştirakçılarının 30 faizdən çoxu, qadağaya öncəkindən daha mənfi münasibət bəsləməyə başlayıb.

AMERİKA DƏYƏRLƏRİ

Tədqiqatın müəllifləri bildirirlər ki, ictimai fikirdə belə ciddi sürüşmə nadir haldır. Bundan başqa, fikirləri ən kəskin dəyişən şəxslər öz kimliklərini "amerikalı" kimi göstərənlərdir. Bu isə onu göstərir ki, ictimai müzakirənin bu qadağanın qeyri-amerikan xarakter daşıması ətrafında qurulması bu dəyişikliyə təsir edib. "Qeyri-amerikan" dedikdə əsasən, onun, xaricilərə açıqlıq, qonaqpərvərlik kimi Amerika dəyərlərinə zidd olması nəzərdə tutulur.

"Qadağa ilə bağlı qərarın verilməsindən sonrakı saatlar və günlər ərzində biz həmçinin başqa xəbərlər fonunda məhz bu məsələyə fokuslanan informasiya mühitinin onu "qeyri-amerikan" qərar kimi təsvir etməsinə diqqət yetirmişik. Qadağa çoxsaylı təzyiqlərlə üzləşdi. Etirazçılar, media şərhçiləri və elita davamlı və açıq şəkildə onun fundamental Amerika dəyərlərinə zidd olduğunu vurğuladılar", – məqalədə deyilir.

Başqa sözlə, media mühitinin Amerika dəyərlərinə fokuslanması respondentlərin "amerikalı olmağın" təcridi yox, inklüzivliyi əhatələdiyini daha yaxşı anlamasına yol açıb.

Məqalə müəllifləri yazırlar ki, Trampın vətənpərvərliyə "Amerika dəyərləri" deməsi onun şovinist və ksenofob məqsədlərini irəli aparmağa kömək etsə də, əslində Amerika dəyərləri daha çox şey deməkdir. (Amerikanın Səsi)