Gündəm

Müsahibə

  • " width="300" height="266" />
    UKRAYNA XARİCİ KƏŞFİYYAT XİDMƏTİNİN SABİQ RƏHBƏRİ:"Ən başlıcası Putinin ətrafıdır" - MÜSAHİBƏ
  • " width="300" height="266" />
    Abid Şərifov:“Kimsə övladımın yekəbaşlıq etməsi ilə bağlı bir kəlimə eşidib?”
  • " width="300" height="266" />
    “Azad demokratlar”ın lideri Sülhəddin Əkbər:"2004-cü ildən Rusiya kəşfiyyatı Azərbaycanda sistemli və aktiv iş aparır" - MÜSAHİBƏ
  • " width="300" height="266" />
    Avropa İttifaqının Bakıdakı nümayəndəsi:“Azərbaycanlıların 51 faizi bizə etibar edir” – MÜSAHİBƏ
  • " width="300" height="266" />
    Eldar Namazov Rusiyadakı seçkilərdən danışdı:“Bu perspektiv Kremli çox qorxudur” – MÜSAHİBƏ
  • " width="300" height="266" />
    Əvəz Temirxan “20 Yanvar” hadisələrinin gizli məqamlarını açdı:"Zayçevlə mübahisəmiz düşdü, o, tələb etdi ki, bunları protokoldan çıxarım..."
  • " width="300" height="266" />
    Sabiq YAP-çı deputatdan maraqlı açıqlamalar:"Dövlət şəxsi hisslərin idarəçiliyə daşınmasından əziyyət çəkir" - MÜSAHİBƏ
  • " width="300" height="266" />
    Ayaz Mütəllibov:“20 Yanvarın araşdırılması üçün məhkəmə qurulmasını istəyirəm” – MÜSAHİBƏ
  • " width="300" height="266" />
    ATƏT nümayəndəsi Azərbaycanda medianın durumunu sərt tənqid etdi:"Rəsmilər söz versələr də, bunu yerinə yetirmirlər" - MÜSAHİBƏ
  • " width="300" height="266" />
    Əliməmməd Nuriyev:“BDU-ya müstəqillik verilməsi 100 illik yubileyinə ən böyük töhfə olardı”

Qaynar Qazan

Qapalı Mövzu





Vəkil Bürosu

Qadın Sözü

Yanvar 2018
BE ÇA Ç CA C Ş B
« Dek    
1234567
891011121314
15161718192021
22232425262728
293031  

XƏBƏR LENTİ

21 Yanvar 2018
20 Yanvar 2018

17 Sentyabr 2016 - 02:35

Vəkil Yalçın İmanov yazır:"Ən pis şey..."

yalcin-3

Yalçın İMANOV, vəkil

 

Başını anasının köksünə qoyan cocuq səbəbsiz sevinclə gülür, nəşəylə qığıldayır, şıltaq-şıltaq əl-qolunu havada oynadır. Arada başını qaldırıb, zənnlə anasına baxır, sanki sığındığı bu varlığın kimliyini araşdırmaq, fəhm eləmək istəyir, nəyə görə ona sığındığının səbəbini anlamaq istəyir. Sonra cavabını axtardığı sualdan yorulmuş kimi, gözlərini büsbütün qapayır, qeyri-şüuri anasına daha möhkəm, sırılsıklam sarılır, elə bil, bu doğma, isti aurada birdəfəlik itmək, ərimək, yoxa çıxmaq istəyir…

Əgər dünyada xoşbəxtlik deyilən bir şey varsa, o da bu həyat dolu kadr olmalıdır gərək…


*** 

Azərbaycanlını xırda, kiçik şeylərlə, lap elə səbəbsiz sevindirmək çətindir! O, yalnız körpəykən başını anasının köksünə qoyanda, anlamadığı, intuitiv duyduğu ilahi ekstazdan mutlu ola bilər. Qalan vaxtlardasa bu, mümkünsüz kimi görünür. Adamların yanından sürətlə ötüb keçirsən, istər-istəməz, aurası səni vurur, arzulamadığın halda qəlbinin döyüntüsünü eşidirsən, ritmini hiss eləyirsən.

Kiçik, xırda şeylərə sevinə bilməyən, kiçik, xırda şeylərdən xoşbəxt ola bilməyən qəlbləri, böyük şeylərlə təəccübləndirmək olmur! Qəlbin torpağı xırda şeylərə sevinəndə, kiçik şeylərdən həzz alanda yumşalır, dəmyə olur. Belə torpaqda istənilən şeyi əkib-becərmək olar, belə qəlbdən hətta möcüzə də cücərər! Torpağı bərkimiş qəlbi ha kultivasiya elə!

 

***

Payız günəşində qəribə bir enerji var: yandırmır, tərlətmir, üstəlik, təravətli və xoşdu. Həm də nostalgiya dolu. Payız günəşi, üzüm meynələrinin ömrünü başa vurmaqda olan yarpaqları arasında oynayır, şüalar titrəyir, iti, təzə ovxarlanmış ülgüc ağzı kimi qəfil parıldıyıb sürətlə keçir. Sanki, öz dəyərini bilən gözəl qadın kürəklərinə atdığı uzun hörüklərilə oynayır. 

Payız günəşi adama əbədiyyət şərqisi oxuyur, sozalmış, ancaq küt ağrıları qalan böyük ümidləri, böyük arzuların kiçik məğlubiyyətlərini yada salır.

Bax, günəş şüaları, ömrünü başa vurmaqda olan üzüm meynələrinin yapraqları arasında titrəyib, yoxa çıxanda, sozalmış böyük ümidlərin, böyük arzuların kiçik məğlubiyyətlərinin ağrısı qəlbini doğrayanda, ömrünün neçəncisə payızının hənirtisini qapıda hiss eləyirsən.

Hərçənd, mənim üçün sonbaharın müjdəçisi yayın cırhacırında bağlanan pomidor mərasimidir. Təzə, sağlam pomidorlar tərtəmiz yuyulur, ədviyyatlar diqqətlə təmizlənir, sonra səliqəylə birlikdə balonlara doldurulur, daha sonra qaynadılır, böyük şövqlə piştaxtalara düzülür.
Yeri gəlmişkən, azərbaycanlı qadının bütün məişət qayğılarının kökündə əbədiyyət həsrəti gizlənib əslində. 

*** 

Adamların özünə və başqasına münasibəti ikili və anlaşılmazdır. Onlar özünü sevir, başqasını (ətrafı) yox. Başqasını (ətrafı) sayır, özünü yox. Psixiatriya üçün ələdüşməz mövzudu. Başqasının gözü onlar üçün nəzarətçidir, öz gözlərisə sadəcə müşahidəçi. Onlar başqasının yanında hansısa pis bir işi tutmaqdan utanırlar, çəkinirlər, amma öz yanlarında əsla.

Əslindəsə “başqası nə deyər?” yox, “özüm nə deyərəm?” olmalıydı. Əslindəsə, “filankəsin üzünə necə çıxacam?”, “bəhmənkəsin gözlərinin içinə necə baxacam?” yox, “öz üzümə necə çıxacam?”, “öz gözlərimin içinə necə baxacam?” olmalıydı. Adam özü özündən utanmayanda, başqasından utanmağı oyun və reablitasiya xarakteri daşıyır. Adam özünü saymayanda, baqasının onu saymasına ehtiyacı olur, özünə ehtiram eləməyəndə başqasından ehtiram umur. Öz içində kim olduğunu bilməyənlər, başqasının gözündə kim olduğunu arayırlar.

Belədə isə hamının bir-biri qarşısında bəraət axtarışı başlayır. Necə ki, bütün ölkə boyu belədir. Bu ictimai travmanın bütün mümkün səbəbləri sırasında şəxsi travma şifrəsi yoxdur və heç bu qavrayış yaxına da buraxılmır.


*** 

Kimdənsə oxumuşam: ən pis şey həqiqəti anlamaqdır!