XƏBƏR LENTİ

19 Noyabr 2018
18 Noyabr 2018

Digər Xəbərlər

13 Fevral 2018 - 19:46

“İnşaatçılar” stansiyasında qadın qatarın altına düşüb:"Ancaq xəsarət almayıb"

Bu gün metroda qısa müddətli gecikmə baş verib. Buna səbəb qadının qatarın altına yıxılması olub.

Bu barədə "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayev deyib.

N.Paşayevin sözlərinə görə, hadisə bu gün saat 18:49 radələrində metronun "İnşaatçılar" stansiyasında baş verib: "Həzi Aslanov-Dərnəgül istiqamətində 35 saylı marşrut üzrə hərəkət edən qatarın altına "İnşaatçılar" stansiyasında bir xanım düşüb. İntihar deyil. Yıxılıb. Xəsarət almayıb. Qatarın hərəkətində 5 dəqiqə gecikmə olub.

Qatarın altına yıxılan qadının şəxsiyyəti müəyyən edilib. O, 1976-cı il təvəllüdlü Məmmədova Sevinc Rafiq qızıdır. Onun epilepsiya xəstəsi olduğu bildirilir. Hadisə yerinə gələn təcili yardım xidməti qadına ilkin tibbi yardım göstərib. Qatarların hərəkəti bərpa edilib".