XƏBƏR LENTİ

25 May 2019

Digər Xəbərlər

20 Aprel 2019 - 23:03

İtaliya çempionu bəlli oldu –"Yuventus" ardıcıl 8-ci dəfə kuboku qaldırdı

Turinin “Yuventus” klubu A Seriyasının 33-cü turunda “Fiorentina”nı qəbul edib.

“Report” xəbər verir ki, “Alyans Stadium”da baş tutan qarşılaşma turinlilərin 2:1 hesablı qələbəsi ilə başa çatıb.

Oyunda hesabı “Fiorentina” açıb. Ardınca Turin klubu iki qol vuraraq önə keçib.

Bu qələbə “Yuventus”un cari mövsümdə A Seriyasında çempionluğunu təmin edib. Turin klubu qələbə sayəsində xallarının sayını 87-yə çatdırıb və turnir cədvəlində liderliyini davam etdirir. İkinci pillədə “Napoli” qərarlaşıb. Neapol təmsilçisi ilə Massimiliano Alleqrinin komandası arasında xal fərqi 20-dir. Çempionatın bitməsinə isə 6 tur qalıb.

Bu, “Yuventus”un ardıcıl 8-ci çempionluğu olub.

İtaliya A Seriyası. 33-cü tur

“Yuventus” – “Fiorentina” – 2:1

Qollar: 0:1 – Milenkoviç – 6, 1:1 – Sandro – 37, 2:1 – Pesselya – 53 (avtoqol)