Gündəm

Müsahibə

Qaynar Qazan

Qapalı Mövzu


Vəkil Bürosu

Qadın Sözü

Aprel 2018
BE ÇA Ç CA C Ş B
« Mar    
 1
2345678
9101112131415
16171819202122
23242526272829
30  



XƏBƏR LENTİ

25 Aprel 2018
24 Aprel 2018

20 Sentyabr 2016 - 11:52

Əfqanıstan Bakıda Milli Gününü qeyd etdi

afqan-sefir

Əfqanıstan Mill Gününün 97-ci ildönümü münasibəti ilə bu ölkənin Azərbaycandakı səfirliyi rəsmi qəbul təşkil edib.

Hər iki ölkənin Dövlət Himnləri səsləndirildikdən sonra səfir Mohammad Taqi Xalili çıxış edərək, ölkəsinin müstəqillik gününün Azərbaycanda keçirilməsindən məmnun olduğunu bildirdi. O, rifaha aparan proses və səbrli öyrənmə yolunun hər zaman olduğu kimi, Əfqanıstan üçün uzun və cəsarətli, lakin doğru bir yol olacağını vurğuladı: “Əfqanıstanın institusional orqanlarının bütövlüyünü təmin etmək yönündə nümayiş etdirdiyimiz ciddi iradə və bu iradənin təcəssümu olan ASAN Xidmət ilə bizim Maliyyə Nazirliyi arasında imzalanan Anlaşma Memorandumuna baxmayaraq, biz hələ də maneələrlə qarşılaşırıq. Təhlükəsizlik məsələsi Əfqanıstanın inkişafı qarşısında duran ən böyük əngəl olaraq qalır.  Dünya Bankı bildiri ki, Əfqanıstanda inkişaf tərəqqisində olan əsas məhdudiyyət hökm sürən üsyan və vətəndaş münaqişəsidir”.

Səfir dedi ki, bu maneələri  aradan qaldırmaq üçün əsas yol beynəlxalq ictimaiyyətin dəstəyidir. O, xalqın təhlükəsizliyini qorumaqda sözügedən dəstəyin vacib olmasını nəzərə alaraq,  prezident  İlham Əliyevə və Azərbaycan hökumətinə daim inkişaf etməkdə olan ikitərəfli əməkdaşlıq üçün minnətdar olduğunu söylədi. O, bu əlaqələr və dostluq münasibətlərinin onların müdafiə və digər təhlükəsizlik qüvvələrinə göstərilən müxtəlif dəstək yollarında əks olunduğunu vurğuladı.

Prezident Əşrəf Qanininin keçən ilin dekabr ayında Bakıya rəsmi səfərinə toxunan diplomat dedi ki, bu səfər öz növbəsində Azərbaycanın dostluq və regionda sülh və sabitliyin təmin edilməsi yönündə nümayiş etdirdiyi siyasətin parlaq təcəssümüdür: “Bundan əlavə, bu dostluq münasibətləri 2016-cı ilin iyul ayında Dövlət Sərhəd Xidmətinin rəisi Elçin Quliyev ilə mənim imzalamağa layiq görüldüyüm hərbi yardım haqqında sazişin bağlanmasında da öz əksini tapıb”.

Ölkəsinin iqtisadiyyatına toxunan Mohammad Taqi Xalili dedi ki, iqtisadiyyata olan təzyiqlərə baxmayaraq, Əfqanıstan iqtisadiyyatının 2018-ci ilə qədər illik 1.9 faiz artım göstəricisindən 3.6 faiz illik artım səviyyəsinə qalxması proqnozlaşdırılır. Onun sözlərinə görə, büdcənin səmərəli idarə olunması tədbirləri və məhdudlaşdırılmış xərclər vasitəsi ilə Əfqanıstan dövlət büdcəsinin balanslaşdırmasına nail olub.

Azərbaycan hökuməti adından çıxış edən Mədəniyyət və turizm naziri Əbülfəs Qarayev dedi ki, əməkdaşlığımızın əsası  Əfqanıstanla 1994-cü ildən qoyulub, bu gün də yüksək səviyyədə davam etməkdədir. Onun sözlərinə görə, ölkələrimiz  müxtəlif beynəlxalq təşkilatlarda da əməkdaşlıq edərək, bir-birinə dəstək verir, müxtəlif mövzularda həmrəylik nümayiş etdirirlər.

"Bizi həm də mənəvi dəyərlər birləşdirir, çünki hər iki ölkədə Novruz Bayramı qeyd olunur”, – deyən nazir söylədi ki, Azərbaycanla Əfqanıstan arasında münasibətlər bundan sonra da davam və inkişaf edəcək.

L.SƏMLA

efqan