XƏBƏR LENTİ

15 Avqust 2020
14 Avqust 2020

Digər Xəbərlər

29 Noyabr 2015 - 18:49

“Rusiya Qarabağa qoşun yeridəcək…” – Putinin səlahiyyətli nümayəndəsindən sensasion şərt və açıqlamalar

Rusiya Prezidentinin səlahiyyətli nümayəndəsi, RF-nin İctimai Palatasının üzvü, politoloq Sergey Markov Ankara ilə Moskva arasında gərginliyin azaldılması üçün 3 tələb irəli sürüb.

O, iki ölkə arasındakı buzların nə zaman əriyəcəyi barədə ciddi açıqlamalar verib.  

“Su-24” təyyarəsinin vurulmasından sonra çox şeyin 180 dərəcə dəyişdiyini deyən Markov bildirib ki, Moskva bu hadisəyə qədər Ankaranı dost ölkə olaraq görürdü: “Ancaq təyyarəmiz vurulursa, pilotumuz öldürülürsə, biz bunu dost olaraq deyil, düşmən addımı kimi dəyərləndiririk. Türkiyəni idarə edənlərin bir çox səhvlərinin olduğunu biz daha öncə də görürdük. Lakin Türkiyə ilə çox yaxın münasibətlərimiz olduğu üçün bunları açıq şəkildə dilə gətirmirdik. Arıtq bu atmosfer pozulduğuna görə, Türkiyə rəhbərliyinin səhvlərini açıq-aşkar deməyimiz üçün heç bir maneə yoxdur”.

Markov Rusiya ilə Türkiyə arasında mövcud olan gərginliyin müharibə ilə nəticələnməyəcəyini deyib və bu əsnada həm Azərbaycana, həm də Türkiyəyə konkret xəbərdarlıq edib: “Türkiyə və Rusiya arasında müharibənin olmasını heç kim istəmir. Digər tərəfdən isə təhlükəli vəziyyət yaranıb. Suriyada həm Türkiyə, həm də Rusiya öz varlığını göstərməyə çalışır. Hətta Türkiyədə bəzi siyasətçilər Azərbaycanı Dağlıq Qarabağa hərbi müdaxilə etməyə təşviq edir. Halbuki Azərbaycan və Ermənistan arasında müharibə başlayarsa, Rusiya Ermənistanla bağladığı müqavilələr çərçivəsində Dağlıq Qarabağa müdaxilə etmək məcburiyyətində qalacaq. Bu təhlükələr qarşısında son dərəcə soyuqqanlı olmaq lazımdır”.

Azərbaycanın işğal olunmuş torpaqları Rusiya ilə Türkiyə arasında iqtisadi müharibənin pik həddə çatmasınin iki ölkənin iqtisadiyyatına böyük ziyan vurduğunu bildirən Sergey Markov deyib ki, Rusiya prezidenti Vladimir Putin ölkələr arasında uzlaşma formulunu təklif edib və bunun üçün Rusiyanın Türkiyədən 3 tələbi var:

1. Təyyarənin Suriya hava məkanında vurulması qəbul edilməlidir. Təyyarənin pilotları katapult edərək paraşütlə Suriya torpaqlarına düşüblər. Bu, təyyarənin Suriyada olarkən vurulduğunu isbat edir; 

2. Türkiyə bu hadisədən dolayı üzr istəməlidir;  

3. Təyyarənin vurulmasında məsuliyyəti olan şəxslər cəzalandırılmalıdır.”

Markov deyib ki, Putinin bu təklifi Rusiya və Türkiyə arasında iqtisadi və siyasi müharibənin dayanmasına səbəb olacaq. Siyasətçi sözlərinə onu da əlavə edib ki, iki ölkə arasındakı münasibətlər əvvəlki səviyyəsinə qayıtmayacaq.

ANS