XƏBƏR LENTİ

27 Sentyabr 2020

Digər Xəbərlər

25 İyul 2017 - 18:50

ETSN Səbaildən daxil olan şikayəti araşdırıb –Açıqlama

İyulun 24-də Ekologiya və Təbii Sərvətlər Nazirliyinin (ETSN)  “Qaynar xətti”nə Səbail rayonu Badamdar qəsəbəsi, Badamdar şossesi 7 saylı binanın qarşısındakı parkda ağacların kəsilərək yerində kafe tikilməsi ilə bağlı şikayət daxil olub. Şikayət nazirliyin əməkdaşları tərəfindən yerində araşdırılıb.

Strateq.az ETSN-ə istinadən xəbər verir ki,  əraziyə keçirilən baxış zamanı həmin ünvanda qeyri-yaşayış obyektinin ətrafının dəmir lövhələrlə hasarlandığı, söküntü işlərinin aparıldığı, hasar daxilində bioloji inkişafda olan yaşköküstə müxtəlifcinsli 30 ağac və 68 həmişəyaşıl kol bitkilərinin olduğu müəyyən edilib, kəsinti faktı aşkar olunmayıb:

"Araşdırma zamanı, həmçinin məlum olub ki, Səbail Rayon İcra Hakimiyyəti başçısının 14.07.2017-ci il tarixli 98 saylı sərəncamı ilə şəhid ailəsi Həqiqət Babayevaya məxsus mövcud qeyri-yaşayış obyektinin yenidənqurma və tikintisinə icazə verilib.

İş icraçısı Əli Mehdizadəyə ərazidəki ağac və kolların qeydiyyata alınaraq qorunub mühafizə edilməsi tapşırılıb. Nazirliyin əməkdaşları tərəfindən qanunvericiliyə uyğun olaraq akt tərtib edilib. Sahibkar H.Babayevaya isə icra üçün “məcburi göstəriş” verilib".