XƏBƏR LENTİ

27 Oktyabr 2020

Digər Xəbərlər

17 Dekabr 2015 - 18:09

Rusiyadan Türkiyəyə qarşı daha bir sensasion addım – “Fənərbaxça”nı ölkəyə buraxmırlar

Bu gün Putinin Türkiyəyə qarşı məlum sərt təhdidlərindən ardınca Rusiya bu dəfə beynəlxalq idman ictimaiyyətini şoka salan addım atıb.

Strateq.az Türkiyə mediasına istinadən xəbər verir ki, futbol üzrə UEFA Avropa Liqasının 1/16 final mərhələsi çərçivəsində Rusiyanın “Lokomotiv” (Moskva) komandası ilə qarşılaşacaq “Fənərbaxça”ya sensasion qadağa gəlib. Belə ki, Rusiya türk klubunun təyyarəsinin Rusiya ərazisinə girişinə icazə verməyəcəklərini bəyan edib.
 
Bu qərar istər Türkiyə, istərsə də UEFA rəhbərliyində böyük təəccüb və narahatlıq yaradıb: “UEFA rəhbərliyi bununla bağlı Rusiya ilə təmasa keçərək, problemi həll etməyə çalışacaqlarını bəyan ediblər. Ancaq Putinin bu gün Türkiyəyə qarşı verdiyi açıqlamaların ardınca təyyarə qadağasının gəlməsi, “Fənərbaxça”nın Rusiyada rahat oynamasına problem yaradacaqlarının ciddi siqnalı olaraq qalır”.
 
Məlumatda o da qeyd olunur ki, UEFA razılıq əldə edilməyəcəyi təqdirdə, qarşılaşmanın neytral ölkələrin birində keçirilməsini də təmn edə bilər: “Eyni zamanda Rusiyaya qarşı yeni sanksiyalar da tətbiq olunması istisna deyil”.
 
Onu da qeyd edək ki, komandalar arasında lk qarşılaşma fevralın 16-da, cavab oyunları isə 25-də baş tutacaq.
 
Strateq.az