XƏBƏR LENTİ

29 Sentyabr 2020
28 Sentyabr 2020

Digər Xəbərlər

28 Dekabr 2015 - 14:02

“Azəryolservis” ASC-nin yeni sədri kimdir?

saleh-memmed-azeryol.jpg

Prezident İlham Əliyevin bu gün imzaladığı sərəncamla Saleh Ərşad oğlu Məmmədov “Azəryolservis” ASC-nin sədri təyin olunub. 

Saleh Ərşad oğlu Məmmədov 1975-ci ildə Azərbaycan İnşaat Mühəndisləri İnstitutunun İnşaat fakültəsinə daxil olub, 1980-ci ildə təhsilini başa vuraraq, inşaat-mühəndis ixtisasına yiyələnib. Uzun müddət yol təsərrüfatının müxtəlif qurumlarında mühəndislikdən rəis vəzifəsinədək yüksəlib.

1982-1993-cü illərdə “Yol Təmir Tikinti” Baş İdarəsinin 1 saylı Yol Tikinti İdarəsində (YTİ) mühəndis, baş mühəndis, rəis, 1991-1993-cü illrdə 3 saylı YTİ-də rəis, 1995-2003-cü illərdə “Azəravtoyol” Dövlət Şirkətinin Körpütikinti Trestinin rəis müavini, 1 saylı Yerli Avtomobil Yolları İdarəsinin rəisi, Siyəzən 4 saylı Yol İstismar İdarəsinin (Yİİ) rəisi, 1 saylı Yİİ-nin rəisi vəzifəsində çalışıb. 2003-cü ildən hal-hazırkı vaxta qədər Nəqliyyat Nazirliyi “Azəryolservis” ASC-nin Bakı şəhər 1 saylı Yİİ-nin rəisi vəzifəsində çalışıb.

S.Məmmədov 2010-cu ildə “Tərəqqi” medalı ilə təltif olunub, 2012-ci ildə “Əməkdar mühəndis” fəxri adına layiq görülüb.

Nəqliyyat naziri Ziya Məmmədovun 10 fevral 2015-ci il tarixli əmrinə əsasən, Nəqliyyat Nazirliyi “Azəryolservis” ASC-nin sədri vəzifəsinin müvəqqəti icrası Saleh Ərşad oğlu Məmmədova həvalə edilmişdi.

Strateq.az