Venesuela Ali Məhkəməsinin hakimi ABŞ-a qaçıb.

Strateq.az “Milliyet”ə istinadən xəbər verir ki, hakim Kristian Zerpa Floridada yerli radioların birinə müsahibəsində bu barədə məlumat verib.

O, 2018-ci ilin may ayında baş tutan prezident seçkilərinin qanunsuz və qeyri-şəffaf şəkildə keçirildiyini vurğulayıb.

Venesuela Ali Məhkəməsi isə Zerpanın cinsi təcavüzdə suçlandığı üçün ölkədən qaçdığını bəyan edib.

Qeyd edək ki, yanvarın 10-da Nikola Maduro and içərək, ikinci prezidentlik dönəminə başlayacaq.

Son illərdə yüz minlərlə venesuelalı ərzaq çatışmazlığı və inflyasiya səbəbindən ölkəni tərk edib.