XƏBƏR LENTİ

06 Avqust 2020
05 Avqust 2020

Digər Xəbərlər

23 May 2015 - 09:18

Biləsuvar gömrüyündə aksiya – 1000-dən çox vətəndaşımız sərhəddə qalıb

bilesuvaraksiya.jpg

Dövlət Gömrük Komitəsinin Biləsuvar Keçid Məntəqəsində İrana keçmək istəyən 1000-ə yaxın insan toplaşıb. Vətəndaşlar heç bir səbəb göstərilmədən, sübh tezdəndən qonşu ölkəyə buraxılmır. Bu barədə Strateq.az-a hazırda keçid məntəqəsində olan vətəndaşlardan biri xəbər verib.

Onun sözlərinə görə, gömrükdə acınacaqlı mənəzərə yaranıb: “Burada İrana keçmək istəyən yüzlərlə qoca, qadın, uşaq var. Saatlardır ki, ayaq üstə dayanıb İrana keçəcəklərini gözləyirlər, aclıq, yorğunluq onları əldən salıb. Vətəndaşlar Dövlət Sərhəd Xidmətini keçsələr də, gömrükdə saxlanılıblar. Camaat etiraz olaraq qışqırır, pəncərələri döyür, dəmir məhəccərləri silkələyir, amma gömrük məmurları əsla reaksiya vermirlər. Heç bir səbəb göstərmirlər ki, insanlara niyə işgəncə edirlər, sadəcə deyirlər ki, yoxlamadır, gedin, kimə deyirsiniz, deyin”.

Mənbə deyib ki, azərbaycanlıların üzləşdiyi acınacaqlı durumu görmək çox ağırdı.

Strateq.az