XƏBƏR LENTİ

11 Avqust 2020
10 Avqust 2020

Digər Xəbərlər

26 May 2015 - 06:43

Prezident xəbərdarlıq etdi – İcra başçısının 2 milyonluq villası söküldü
Binəqədi rayonu ərazisində çoxmərtəbəli binada baş vermiş yanğınla əlaqədar Dövlət Komissiyasının iclasında Prezident İlham Əliyevin Səbaildəki “Dostluq” parkının məmurlar tərəfindən zəbt olunması haqda xəbərdarlığı öz bəhrəsini verməyə başlayıb.
Xatırladaq ki, prezident həmin iclasda demişdi ki, bu yaxınlarda istifadəyə verilən yeni idman obyektləri ilə tanış olarkən görüb ki, vaxtilə mərhum Heydər Əliyevin şəxsi iştirakı ilə salınmış “Dostluq” parkının bir hissəsini yenə də zəbt ediblər:
“Mən orada haradasa 7-8 il bundan əvvəl olmuşdum və görmüşdüm ki, “Dostluq” parkında ağaclar qırılır, villalar tikilir. Hacıbala Abutalıbova göstəriş verdim ki, gedin, aydınlaşdırın, bütün tikilən binalar qanunsuzdur, onları sökün. Qoy, onları tikənlərə dərs olsun. O gün həmin əraziyə gələndə yenə də görürəm ki, düz “Dostluq” parkının yanında – yamacda villalar tikilib. Dedim ki, bunları tikənlərin kim olduğunu öyrənin. Heç bir adam çıxmadı. Dedim ki, bir villanı sökün, görün, işin arxasından kim çıxacaq. Heç kim çıxmadı. Dedim, belədirsə, əgər heç kimə məxsus deyilsə, sökün, bunları dağıdın, başqalarına dərs olsun. Qanunsuz yollarla özəlləşdirirlər, zəbt edirlər, hasarlayırlar. Orada elə istinad divarları tikilib ki, bəlkə də təkcə onun tikintisinə bir neçə milyon manat sərf edilib. Bu qədər özbaşınalıq olmaz. Mən dəfələrlə demişəm ki, qayda-qanun olmalıdır. Bütün vəzifəli şəxslər – ilk növbədə onlar nümunə olmalıdırlar”
Strateq.az Azfakt.com-a istinadən xəbər verir ki, Səbail rayonu “Dostluq” parkı ərazisinin bir hissəsində qanunsuz tikilən və dövlət başçısının göstərişi ilə sökülən villalardan biri Lerik rayon icra başçısı Rövşən Bağırova məxsus olub. İcra başçısının həmin villanın tikintisi üçün 2 milyon dollara yaxın xərc çəkdiyi bildirilir. Rövşən Bağırovun villası 16 sot torpağın içində tikilib.
Rövşən Bağırov
Qeyd edək Rövşən Bağırov uzun illər Səbail rayonu ƏSSM-də baş mühasib işləyib. Ona məxsus olan “Sənaye Tikinti Servis” Məhdud Məsuliyyətli Cəmiyyətinin ofisi də bu rayondadır.
Mənbəmiz bildirir ki, icra başçısının Səbail rayonunda daha bir neçə bina evi və obyekti var.
Məsələ ilə bağlı dəfələrlə Lerik rayon İcra Hakimiyyəti ilə əlaqə saxlamğa çalışsaq da, zənglərimizə cavab verən olmadı.
Qarşı tərəfin mövqeyini verməyə hazırıq.