XƏBƏR LENTİ

04 Avqust 2020
03 Avqust 2020

Digər Xəbərlər

29 May 2015 - 13:56

Nazirin qardaşından deputata kəskin cavab: “Ağzına gələni danışmasın…”
Xəbər verdiyimiz kimi, Milli Məclisin bu gün keçirilən iclasında millət vəkili Musa Quliyev həmkarı Sabir Rüstəmxanlının Gəncədə Məmməd Əmin Rəsulzadənin abidəsinin başına çuval keçirilməsi və onun təhqir edilməsi ilə bağlı səsləndirdiyi fikirlərə etiraz edib.
O bildirib ki, Rəsulzadənin başına çuval keçirildiyi və baxımsız vəziyyətdə olduğu bağ Gəncə İcra Hakimiyyətinə heç bir aidiyyəti yoxdur: “O bağ Nəqliyyat Nazirliyinin balansındadır. Əgər Sabir Rüstəmxanlının ürəyi yanırsa, nəqliyyat naziri onun qudasıdır, gedib ondan xahiş etsin və o parkı təmir etdirsin”.
Məsələ ilə bağlı nəqliyyat naziri Ziya Məmmədovun qardaşı, millət vəkili Elton Məmmədov həmkarının bu dediklərinə reaksiyası özünü çox gözlətməyib.
Strateq.az Aznews.az-a istinadən xəbər verir ki, Elton Məmmədov deyib ki, Musa Quliyev belə fikirlər səsləndirməklə, əslində, öz işi ilə məşğul olmadığını göstərib və çox böyük yanlışlıqlara yol verib: “O getsin, dövlətin siyasətinə qulluq etsin, kiminsə arasına girib, belə əsassız söhbətləri danışmasın. Musa Quliyevin o sözlərinin heç bir əsası yoxdur. Hüquqi nöqteyi-nəzərdən araşdırsın və görsün ki, həmkarının dediyi bir məsələnin nəqliyyat nazirinə aidiyyəti var, yoxsa yox. Yoxdursa, ağzına gələni danışmasın. O, dövlət adamıdır, Milli Məclisin üzvüdür, belə söz ona yaraşmaz”.
Strateq.az