XƏBƏR LENTİ

15 Avqust 2020
14 Avqust 2020

Digər Xəbərlər

20 İyun 2015 - 01:54

“Qiyamçı diplomat” hücuma keçdi: Kəmaləddin Heydərov, Ziya Məmmədov və Fəttah Heydərovun adlarını çəkdi!
Azərbaycanın Avropa Şurası və Avropa Birliyindəki keçmiş nümayəndəsi, diplomat Arif Məmmədov mediada barəsində yazılan ittihamlara münasibət bildirib. O, Azərbaycanın Serbiyadakı səfiri Eldar Həsənov və baş nazirin sabiq müavini Abbas Abbasovla əlaqələri, ortada hansısa məkrli planların olduğu barədə yazılanları “Prezident Administrasiyasının sərhədsiz fantaziyaları” adlandırıb.
Daha sonra o, bu xüsusda yazılanlara ironik tərzdə cavab verib:
“Bu barədə yazmaq istəmirdim, ancaq təəssüf ki, bir çox KİV-lər administrasiyadan olan “ziyalıların” diktəsi ilə “murzilkada” yaradılan fantazıyanın məhsulunu dərc edirlər. Sonra qərara gəldim ki, təkcə gülmək də yaxşı deyil. Qoy adamlar istirahət günlərində bir az gülsünlər.
1) Rəhmətlik atam Zahid Məmmədov heç vaxt Abbas Abbasovun himayəsi altında Gəncə alüminium zavodunda işləməyib. O, ümumiyyətlə heç vaxt alüminium zavodunda işləməyib. O, ixtisasca baytar olub. Baytar alüminium zavodunda – bu, ümumiyyətlə marazmın zirvəsidi. Ancaq Azərbaycanda hər şey mümkündür…
2) Atam Ziya Məmmədovla da, Kəmaləddin Heydərovla da, Fəttah Heydərovla da, bu gün tanınan bir çox digər adamlarla da dost olmasa da, yaxşı münasibətdə olub. O, ümumiyyətlə, xeyirxah, şən və ünsiyyətçil adam olub.
3) ölkənin indiki və keçmiş rəhbərliyində olanlardan mən ən az Abbas Abbasovla ünsiyyətdə olmuşam. Sonuncu dəfə onu 15 il əvvəl görmüşəm.
4) Aydın Abbasovu Azərbaycanın AŞPA-dakı nümayəndə heyətinin bütün digər üzvləri kimi tanıyıram və hamısı ilə olduğu kimi, normal münasibətim olub.
5) Eldar Həsənova münasibətə gəldikdə, bu diplomata böyük hörmətlə yanaşıram, ancaq onun Cənub-Şərgi Avropada və Balkanlarda “heykəlləşdirmə” məsələsində entuziazmını bölüşmürəm. Onu digər səfirlərdən nə az, nə də çox tanıyıram.
ölkənin demək olar bütün rəhbərliyi ilə şəkillərim var. Eynullaya maraqlıdırsa, səhifəmdə paylaşa bilərəm. Sadəcə əminəm ki, bu, onun sahiblərinin xoşuna gəlməyəcək.
6) İyunda BSCSIF-nin Bakıdakı konfransında iştirakımla bağlı.
Təşkilatın katibliyi tərəfindən İƏT səfiri qismində dəvət edilmişdim, istənilən halda Bakıya gəlib atamın məzarını ziyarət etməliydim, ona görə də razılıq verdim.
Yalnız konfransın açılışında qısa müddət oldum, sonra da marağım yox idi deyə, görüşü tərk etdim. İştirakçılara paylanan gözəl bloknotu özümdə saxladım.
E.Həsənovla 5 dəqiqə söhbət etdim, tədbirlə bağlı təbrik etdim və digər proqramda iştirak edə bilmədiyimə görə üzrxahlıq etdim.
7) Eynullanın yazdığı kimi, Avropada Eldar Həsənovun iştirakı ilə səfirlərin “gizli ziyafəti” olmayıb.
8) Zadornovun sözü olmasın, ən maraqlı hissəyə hazırlaşın. Azərbaycanın Avropa Şurasında səfiri vəzifəsinə 2006-cı ildə təyin edilmişəm. Yəni Eynulla yazdığı kimi, Heydər Əliyev məni “canını dişinə tutub” Strasburqa səfir təyin edə bilməzdi. Ancaq qabaq tarixlə edə bilərdi.”

Azadlıq.info