XƏBƏR LENTİ

10 Avqust 2020
09 Avqust 2020

Digər Xəbərlər

24 İyun 2015 - 16:33

Sabiq prezident Mahmud Əhmədinecat: “ABŞ Yaxın Şərqdə İmam Mehdini axtarır”

İranın keçmiş prezidenti Mahmud Əhmədinecat çıxışıyla yenə dünyanın diqqətini özünə cəlb etməyi bacarıb. O, Ramazan ayı münasibətilə ölkənin bir çox yerlərindən ziyarətə gələn qonaqlarına əsl “kəlam ziyafəti” verib.

Strateq.az-ın məlumatına görə, sabiq prezident ABŞ-ın Yaxın Şərq siyasətindən danışarkən deyib ki, bu ölkə nə neft, nə də İslam dünyası üzərində hegemoniya axtarışındadır. Onun fikrincə, ABŞ İmam Mehdini axtarır. Səbəbi isə çox sadədir: Super güc imam Mehdinin gələcəyi zaman, öz kitabının bağlanacağını yaxşı bilir. Odur ki, nəyin bahasına olursa olsan, 12-ci imamı tapmağa çalışır.

Əhmədinecat onu da deyib ki, ABŞ yetkililəri öz təxminlərinə görə, İmam Mehdi ilə əlaqəli ola biləcək hər kəslə görüşürlər: “Onlardan İmam haqqında təfsilatlı bilgi almaq istəyirlər. Bizim dini universitetlərimizin 12-ci İmamla bağlı araşdırmalarından minlərlə qat artıq tədqiqat aparırlar. Onlar bizdən daha artıq İmamın arxasınca düşüblər”.

ABŞ-ı “Şeytanın dövləti” adlandıran sabiq prezident insanlığın Allaha və İmama qovuşmasına mane olmaq üçün bu dövlətin şeytan tərəfindən qurulduğunu bildirib.

Heydər Oğuz

Strateq.az