XƏBƏR LENTİ

19 Yanvar 2021
18 Yanvar 2021

Digər Xəbərlər

15 Noyabr 2016 - 10:56

“Bəlkə, bu forumun arxasında gizli məqamlar var?” –Qubad İbadoğlu

Qubad İbadoglu-1

"Son zamanlar Azərbaycan hökumətinin beynəlxalq maliyyə kredit təşkilatları ilə təmasları artıb. Mayın 23-24-də Avropa Yenidənqurma və İnkişaf Bankının (AYİB) prezidenti Suma Çakrabartinin rəhbərlik etdiyi nümayəndə heyəti Bakıda səfərdə olub, rəsmilərlə və vətəndaş cəmiyyəti nümayəndələri ilə görüşlər keçirib. Sentyabr ayının 19-da Dövlət Neft Fondu tərəfindən AYİB-in idarə etdiyi Səhm İştirak Fonduna 100 milyon avro məbləğində sərmayə yatıracağna dair məlumat yayılıb".

Strateq.az xəbər verir ki, bu sözləri iqtisadçı Qubad İbadoğlu deyib.

Q.İbadoğlunun sözlərinə görə, bir müddət əvvəl, daha dəqiqi, oktyabrın 6-7-də Azərbaycan Respublikasının maliyyə nazirinin rəhbərliyi altında Maliyyə Nazirliyi, Dövlət Neft Fondu və "Cənub Qaz Dəhlizi” QSC-nin nümayəndələrindən ibarət heyət ABŞ-ın paytaxtı Vaşinqton şəhərində keçirilən Beynəlxalq Valyuta Fondu (BVF) və Dünya Bankı Qrupunun illik toplantısında iştirak edib, ikitərəfli və çoxtərəfli görüşlər keçirib, danışıqlar aparıb:

"Asiya İnkişaf Bankının (ADB) vitse-prezidenti Vençay Janq Azərbaycana gəlib, prezident Əlyevlə görüşüb. ADB rəsmisinin səfəri bu gün də davam edəcək. Mətbuta açıqlanan məlumat görə, səfər zamanı V.Janq Azərbaycan hökumətinin rəsmiləri ilə görüşərək, Azərbaycan ilə ADB arasında əməkdalıq perspektivlərini müzakirə edəcək.

Qeyd edim ki, Asiya İnkişaf Bankı Azərbaycanda fəaliyyətə başladığı 1999-cu ildən ötən dövr ərzində ölkə iqtisadiyyatına 2,8 milyard dollar məbləğində sərmayə yatırıb.

Ötən ildən başlayaraq, ADB ilə Azərbaycan arasında kredit əməkdaşlığı ən yüksək zirvəyə çatıb, nəticədə son bir ildə Asiya İnkişaf Bankının Azərbaycanda sərmayələri 3 dəfə artıb.

Hesablamalar göstərir ki, kredit əməkdaşlığı bu sürətlə davam edərsə, Azərbaycan ADB-nin Çin və Hindistandan sonra ən böyük tərəfdaşı ola bilər. Belə ki, cari ilin yayında ADB Azərbaycanda elektrik enerjisi şəbəkəsinin daha da inkişaf etdirilməsi üçün 750 milyon ABŞ dolları məbləğində çoxtranşlı kredit proqramını təsdiqləyib, hazırda "Şahdəniz 2" layihəsi üçün nəzərdə tutulan 1,5 milyard dollarlıq krediti ayrılır. Asiya İnkişaf Bankının vitse-prezidenti Vençay Janqın Azərbaycana hazırkı səfərinin əsas məqsədlərindən biri də "Cənub Qaz Dəhlizi” və "Şahdəniz” kimi mühüm layihələrə də dəstək istiqamətlərində müzakirələr aparmaqdır".

İqtisadçının sözlərinə görə, bundan əlavə, ADB tərəfindən büdcəyə dəstək proqramı çərçivəsində də vəsaitin ayrılması gözlənilir.

Qubda İbadoğlu Azərbaycan höküməti ilə əməkdaşlığın belə sürətlə genişlənməsinə baxmayaraq, Asiya İnkişaf Bankının vitse-prezidenti Vençay Janqın Bakıya səfəri zamanı yalnız rəsmilərlə görüşməsindən də narazılığını ifadə edib:

"Onun yerli vətəndaş cəmiyyətinin nümayəndələri ilə görüşü planlaşdırılmır. Hətta Asiya İnkişaf Bankının Bakı ofisinə yeni təyinat alan Nəriman Mannapbekov fəaliyyət göstərdiyi 6 ay ərzində 1 dəfə də olsun yerli QHT-lərlə və mətbuatla görüşüb, təmsil etdiyi Bankın Azərbaycanda genişlənən fəaliyyətindən məlumat belə verməyib.

Bağlı qapılar arxasında aparılan görüşlərdə isə yalnız rəsmi mətbuat iştirak edir. Əgər Asiya İnkişaf Bankının birtərəfli qaydada Azərbaycan hökuməti ilə "ticarət forumu" şəffafdırsa, onda nədən bu barədə vətəndaş cəmiyyəti institutları məlumatlandırılmır, yerli QHT-lərlə məsləhətləşmələr həyata keçirilmir?! Bəlkə bu forumun arxasında gizli məqamlar var?

Çox təəssüf ki, bu qədər sürətlə artan kredit əməkdaşlığına dair geniş məlumat yoxdur".

F.ƏHMƏD