XƏBƏR LENTİ

04 Dekabr 2020
03 Dekabr 2020

Digər Xəbərlər

23 Noyabr 2016 - 13:18

Sahibkarların büdcəyə 101 milyon cərimə ödəyəcəyi necə proqnozlaşdırılıb? –Qubad İbadoğlundan sərt reaksiya

Qubad İbadoglu-1

"Gələn ilin büdcəsinə 101 milyon manat cərimə və sanksiyalar ödənilməlidir. Bu, yalnız sahibkarların ödəyəcəyi məbləğdir".

Strateq.az xəbər verir ki, bunu iqtisadçı-alim Qubad İbadoğlu 2017-ci ilin dövlət büdcəsinə münasibət bildirərkən deyib.

Q.İbadoğlunun sözlərinə görə, 2017-ci ilin dövlət büdcəsinin 101 milyon manatını cərimə və sanksiyalar üzrə daxilolmalar təşkil edəcək ki, onun da 88,1 fazi və ya 89 milyon manatı büdcə qanunvericiliyinin pozulmasına görə daxilolmlardan formalaşacaq:

"Ondan 39 milyon 899 min manatını hüquqi şəxslərin mənfəət (gəlir) vergisi, 27 milyon 423 min manatını əlavə dəyər vergisi, 5 milyon 30 min manatını fiziki şəxslərin gəlir vergisi üzrə maliyyə sanksiyalarından daxilolmalar, 4 milyon 986 min manat sadələşdirilmiş vergi, yerdə qalan hissəsini isə digər vergilər üzrə maliyyə sanksiyalarından daxilolmalar təşkil edəcək".

İqtisadçı-alim qeyd edib ki, iqtisadi təhlil işində cərimə və sanksiyalar proqnozlaşdırılmır. Belə qiymətləndirmələr zamanı cərimə və sanksiyalar üzrə faktiki daxilolmalar göstəricisindən istifadə olunur. Çünki, bu mənbədən nə qədər vəsait daxil olacağını əvvəlcədən proqnozlaşdırmaq mümkün deyil:

"Hətta proqnozlaşdırma aparılarsa, onun dəqiq icrasına necə nail olmaq olar?

Axı, əvvəlcədən kim necə müəyyənləşdirilə bilər ki, sahibkar vergi qanunvericiliyini mütləq pozacaq və ondan da bu qədər cərimə və sanksiyalar alınacaq. Bəlkə növbəti il əksər sahibkarlar büdcə qarşısında öhdəliklərini tam və vaxtında yerinə yetirdi, qanunvericiliyi pozanlar barəsində isə vergi orqanları bilməyərəkdən və ya bilərəkdən məlumatsız oldu.

Belə olacağı təqdirdə vergi və digər dövlət orqanları büdcə qarşısında cərimə və sanksiyalar üzrə öhdəlikləri necə yerinə yetirəcək?”.

Q.İbadoğlu bildirib ki, burdan çıxan ilkin nəticə odur ki, istənilən halda cərimə və sanksiyalar olacaq və bunu da necə fəaliyyət göstərməsindən asılı olmayaraq, sahibkarlar ödəmək məcburiyyətində qalacaqlar.

Strateq.az