XƏBƏR LENTİ

25 May 2020

Digər Xəbərlər

10 Aprel 2017 - 13:38

Ruhanidən sensasion açıqlama:"Rusiya ABŞ-la toqquşmanın bir addımlığında olub”

Suriyanın Şayrat aviabazasına endirdiyi raket zərbələrinə görə ABŞ və Rusiya toqquşmanın bir neçə addımlığında olub.

Bu barədə İran prezidenti Həsən Ruhani deyib.

H. Ruhaninin  sözlərinə görə, hava zərbələrini endirmək üçün ABŞ-ın gətirdiyi bəhanə əsassız olub: "“Qaz yayılıb, nəticədə insanlar ölüb. Biz məsələnin detallarını öyrənmək üçün beynəlxalq komissiyanın yaradılmasını təklif etdik. Fikrimizcə, məsələni araşdırmaq çətin deyildi. Məlum olsa ki, qazı terrorçular yayıb, ABŞ nə edəcək? Əgər terrorçular anlasa ki, hər dəfə qaz yaymaqla, ABŞ onları dəstəkləyəcək, o zaman bölgənin taleyi necə olacaq? Rusiya rəsmiləri mənimlə danışıqlarda bildirirdilər ki, raket zərbələrinə görə, ABŞ-la münaqişənin bir neçə addımlığında olublar”.

İran prezidenti həmçinin bildirib ki, ABŞ endirdiyi hava zərbələr danışıqlar prosesinə zərər vurub. Onun fikrincə, Suriya münaqişəsinin həlli ancaq siyasi yolla mümkündür: “Yekun qərar siyasi olmalıdır. Fikrimizcə, sülh danışıqları irəliləməlidir ki, biz Suriyadakı böhranın yekun həllinə yaxınlaşaq. ABŞ-ın etdiyi isə danışıqlar prosesinə zərər vurub”.

H. Ruhani ABŞ prezidenti Donald Trampın hava zərbələr ilə bağlı qərarını pisləyib və təkrar aviazərbələrin bölgədəki vəziyyəti çətinləşdirəcəyini deyib.

Qeyd edək ki, aprelin 4-də Suriya aviasiyasının İdlib şəhərinə zərbələr endirməsindən sonra kimyəvi zəhərlənmə nəticəsində çoxlu sayda insan ölüb və yaralanıb. Aprelin 7-ə keçən gecə ABŞ-ın Aralıq dənizindəki iki hərbi gəmisindən Əsəd ordusuna aid Şayrat aviabazasına 59 raket buraxılıb.

Nəticədə aviabazanın uçuş-enmə zolağı, təyyarələrin dayanacağı və yanacaqdoldurma kompleksləri vurulub, bir neçə təyyarə sıradan çıxıb.

APA