XƏBƏR LENTİ

25 Sentyabr 2020
24 Sentyabr 2020

Digər Xəbərlər

25 İyul 2017 - 16:23

Tramp “Klinton işi”nin ləng aparılmasına qəzəbləndi:"İstintaq niyə başlamayıb, cənab baş prokuror?”

ABŞ prezidenti Donald Tramp baş prokuror Ceff Seşnsı Demokratlar Partiyasının namizədi Hillari Klintonun işi il bağlı “çox zəif mövge” tutduğuna görə tənqid edib.

O, həmçinin heç bir sübut göstərmədən Ukraynanın H. Klintona dəstək verdiyini iddia edib.

“Problem ondadır ki, Federal Təhqiqat Bürosunun rəhbəri və Hillarinin işi məşğul olan Endryu MakKeyd Hillaridən həyat yoldaşı üçün 700 min dollar alıb. MakKeydin həyat yoldaşı, Cil MakKeyd 2015-ci ildə Virciniya ştatı senatoru vəzifəsinə namizədliyini irəli sürüb, amma seçkidə uduzub. O, Hillari Klintonun müttəfiqi, Virciniya qubernatoru Terri MakOlifə aid mənbələrdən vəsait alıb. Ukraynalıların Trampın kampaniyasını sabotaj etmək cəhdləri isə Klintonun xeyrinə işləyirdi. Bəs istintaq niyə başlamayıb, cənab baş prokuror?”, – deyə Tramp vurğulayıb.

Ukraynanın ABŞ-dakı səfirliyi rəsmi Kiyevin ABŞ-dakı prezident seçkilərinə müdaxilə etmədiyini və Ukraynanın seçkiqabağı kampaniya zamanı bitərəf mövqe tutduğunu açıqlayıb/APA.