XƏBƏR LENTİ

01 İyun 2020
31 May 2020

Digər Xəbərlər

12 Sentyabr 2017 - 10:11

BMT Təhlükəsizlik Şurası yeni sanksiyalar barədə qətnamə qəbul etdi- Şimali Koreyaya qarşı

BMT Təhlükəsizlik şurası Koreya Xalq Demokratik Respublikasına (KXDR) qarşı onun idxal və ixrac əməliyyatlarını kəskin şəkildə azaldacaq yeni sanksiyaların tətbiqini nəzərdə tutan qətnaməni qəbul edib. Müvafiq sənəd Təhlükəsizlik Şurasının üzvləri tərəfindən yekdilliklə qəbul olunub.

Sənədə əsasən, KXDR-ə neft məhsullarının tədarükünə məhdudiyyətlər qoyulacaq. Eyni zamanda, bu ölkəyə xam neftin göndərilməsi üçün limit də müəyyən edilib. Həmin göstərici son 12 aylıq normanı üstələyə bilməz. KXDR, həmçinin kondensatları və qaz kondensatlarını ala və toxuculuq məhsullarını sata bilməz.

Qətnamədə qeyd edilir ki, BMT Təhlükəsizlik Şurası altıtərəfli danışıqları dəstəkləməyə hazırdı və bu danışıqların bərpasına çağırır. Təhlükəsizlik Şurası, həmçinin dövlətlərin problemi sülh danışıqları yolu ilə hərtərəfli həll etmək təklifini də alqışlayır(azərtac).