XƏBƏR LENTİ

11 Avqust 2020
10 Avqust 2020

Digər Xəbərlər

25 Sentyabr 2017 - 18:01

Haşdi Şabi ilə kürd qüvvələri toqquşdu –1 peşmərgə öldürülüb, 2-i isə yaralanıb

İraqın Səlahəddin vilayətinə bağlı olan Tuzhurmatu rayonunda şiə milislərindən təmsil olunmuş Haşdi Şabi qrupu ilə İraq Kürd Muxtariyyətinin peşmərgələri qarşı-qarşıya gəliblər.

Strateq.az Türkiyə mediasına istinadən xəbər verir ki, toqquşma nəticəsində peşmərgələrdən biri öldürülüb.

Faktı Kürdistan Demokratik Partiyasının Tuzhurmatudakı təhlükəsizlik üzər məsul şəxsi Məhəmməd Faiq təsdiq edib.

O bildirib ki, Haşdi Şabi qrupu rayona daxil olmaq istəyən 8 nəfərlik peşmərgə qrupuna atəş açıb: "Atəş nəticəsində 1 peşmərgə öldürülüb, 2-i isə yaralanıb".

Haşdi Şabinin Qərb cəbhəsinin sözçüsü Ali Hüseynli isə peşmərgə ilə toqquşma xəbərini təkzib edib: "Peşmərgə ilə toqquşan qrupun qaynağı bizə məlum deyil".

Xatırladaq ki, bu gün Şimali İraqda Kürd Muxtariyyəti referendum keçirir. Bununla bağlı Bərzani peşmərgəyə bölgədə təhlükəsizlik tədbirlərini gücləndirmək üçün göstərişini verib.