XƏBƏR LENTİ

05 Dekabr 2020
04 Dekabr 2020

Digər Xəbərlər

28 Dekabr 2015 - 05:17

“Heç kimə aman verilməyəcək” – Serbiyada Putinin adamları həbs olundu

Serbiya polisi ölkə tarixinin ən böyük antikorrupsiya əməliyyatını həyata keçirib. 

Bu barədə informasiyanı Rusiya mətbuatı yayıb. Əməliyyat nəticəsində 80 məmur həbs edilib. Həbs edilənlər sırasında keçmiş Ticarət naziri və bir neçə məşhur Serbiya siyasətçisinin olduğu bildirilib. 

Əməliyyatdan sonra mətbuata açıqlama verən Serbiyanın Daxili İşlər naziri Neboyşo Stefanoviç bunun sadəcə başlanğıc olduğunu bildirib: “Bizim əlimizdə məmurların son 10 ildə hansı korrupsiya əməliyyatları həyata keçirdikləri haqqında sübutlar var. Əməliyyatlar davam edəcək və heç kimə aman verilməyəcək”. 

Qeyd edək ki, dekabrın ortalarında Avropa Birliyi Serbiyanın təşkilata üzvlüyü ilə bağlı formal danışıqlara start verib. İlkin ehtimallara görə, bu əməliyyatlar Avropa Birliyinin tələbi ilə həyata keçirilib. Bəzi mənbələr həbs olunan şəxslərin Rusiya tərəfdarı olduğu və Moskvanın ölkədəki əsas dayaqları hesab edildiyini bildirib.

Axar.az