XƏBƏR LENTİ

04 Dekabr 2020
03 Dekabr 2020

Digər Xəbərlər

03 Yanvar 2016 - 21:49

Səudiyyənin İraqdakı səfirliyinə də hücum oldu: bu dəfə raketlə

İraqın paytaxtı Bağdadda Səudiyyə Ərəbistanının səfirliyinə raketlə hücum edilib.

ANSPRESS-in məlumatına görə, raketin səfirliyin binasına yaxın ərazidən atıldığı bildirilir. Binadan tüstülər yüksələrkən bir vertolyot səfirliyin binasının üstündə uçmağa başlayıb.

Dünən edam edilən 47 nəfər üçün bu gün İraqdakı şiə liderlər es-Sədr və Sistani tərəfindən sərt etiraz və təhdidlər səslənmişdi. Hücumun şiə təşkilatı “Al-Nujaba” tərəfindən həyata keçirildiyi iddia edilir.

Xatırladaq ki, Səudiyyə Ərəbistanının 25 ildir bağlı olan Bağdad səfirliyi bir müddət əvvəl yenidən açılmışdı.

Səudiyyə Ərəbistanı 1990-ci ildə İraqın Küveyti işğal etməsindən sonra Bağdad səfirliyini bağlamışdı. Səfirliyin yenidən açılması ilə iki ölkənin təhlükəsizlik və terror mövzusunda əməkdaşlıq edəcəyi bildirilirdi. Səudiyyə Ərəbistanının Bağdada təyin edilmiş yeni səfiri Samir əl-Sabhadır.

https://www.youtube.com/watch?v=pdvVt4T9-5c