XƏBƏR LENTİ

05 İyun 2020
04 İyun 2020

Digər Xəbərlər

14 Mart 2018 - 20:11

Prezident İlham Əliyev nazirliklə bağlı fərman verdi –Dəyişikliklər

Prezident İlham Əliyev “Azərbaycan Respublikasının Əmək və Əhalinin Sosial Müdafiəsi Nazirliyinin (ƏƏSMN) fəaliyyətinin təkmilləşdirilməsi ilə bağlı tədbirlər haqqında” fərman imzalayıb.

Strateq.az bildirir ki, Fərmana əsasən, “Azərbaycan Respublikasının Əmək və Əhalinin Sosial Müdafiəsi Nazirliyinin fəaliyyətinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2011-ci il 16 fevral tarixli 386 nömrəli Fərmanında (Azərbaycan Respublikasının Qanunvericilik Toplusu, 2011, № 2, maddə 90, № 7, maddə 625, № 11, maddə 996; 2012, № 9, maddə 853, № 11, maddə 1084; 2013, № 2, maddə 124, № 12, maddə 1525; 2014, № 7, maddə 789, № 9, maddə 1053; 2015, № 1, maddə 17, № 3, maddələr 263, 264, № 6, maddə 705, № 8, maddə 908, № 10, maddə 1134; 2016, № 3, maddə 437, № 5, maddə 859, № 6, maddələr 1051, 1072; 2017, № 9, maddə 1633) aşağıdakı dəyişikliklər edilib:

1.1. həmin Fərmanla təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə” üzrə:

1.1.1. 1.1-ci bəndə, 2.1.1-ci və 4.1.3-cü yarımbəndlərə “əhalinin məşğulluğu,” sözlərindən sonra “işsizlikdən sığorta,” sözləri əlavə edilsin;

1.1.2. 3.1.1-ci yarımbəndə “əhalinin məşğulluğu” sözlərindən sonra “, işsizlikdən sığorta” sözləri əlavə edilsin;

1.1.3. aşağıdakı məzmunda 3.1.25-1-ci və 3.1.25-2-ci yarımbəndlər əlavə edilsin:

“3.1.25-1. sığortaolunanların itirilmiş əməkhaqlarının kompensasiya edilməsi və işsizliyin yaranması hallarının qarşısının alınması üçün qabaqlayıcı tədbirlər görülməsini təmin etmək;

3.1.25-2. sosial sığortanın və işsizlikdən sığortanın müntəzəmliyinə dövlət təminatı üçün tədbirlər görmək;”;

1.1.4. 3.1.28-1-ci yarımbənddə “büdcə layihəsinin” sözləri “və işsizlikdən sığorta fondunun büdcə layihələrinin” sözləri ilə əvəz edilsin;

1.1.5. 3.1.28-2-ci yarımbənddə “sahəsində” sözü “və işsizlikdən sığorta sahələrində” sözləri ilə əvəz edilsin;

1.1.6. 3.1.28-3-cü yarımbənddə “Sosial sığorta haqqında” Azərbaycan Respublikasının Qanunu ilə müəyyən edilmiş miqdarda məcburi dövlət sosial sığorta” sözləri “Azərbaycan Respublikasının “Sosial sığorta haqqında” və “İşsizlikdən sığorta haqqında” qanunları ilə müəyyən edilmiş miqdarda məcburi dövlət sosial sığorta və işsizlikdən sığorta” sözləri ilə əvəz edilsin;

1.1.7. 3.1.28-4-cü yarımbəndə “əmək pensiyalarının” sözlərindən sonra “, “İşsizlikdən sığorta haqqında” Azərbaycan Respublikası Qanununun 19-cu maddəsində göstərilən tədbirlərin” sözləri əlavə edilsin;

1.1.8. 3.1.36-cı yarımbəndə “sosial sığorta,” sözlərindən sonra “işsizlikdən sığorta,” sözləri əlavə edilsin;

1.1.9. 3.1.37-1-ci yarımbəndə “haqqında” sözündən sonra “və işsizlikdən sığorta fondunun büdcəsi haqqında” sözləri əlavə edilsin;

1.2. həmin Fərmanla təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti haqqında Əsasnamə” üzrə:

1.2.1. 1.5-ci bəndə “vəsaiti” sözündən sonra “, işsizlikdən sığorta vəsaiti” sözləri əlavə edilsin;

1.2.2. 2.1.1-ci yarımbəndə “Respublikasında” sözündən sonra “sığortaolunanların itirilmiş əməkhaqlarının kompensasiya edilməsi və işsizliyin yaranması hallarının qarşısının alınması,” sözləri əlavə edilsin;

1.2.3. 2.1.2-ci yarımbəndə “təhsili” sözündən sonra “, özünüməşğulluğa kömək göstərilməsi” sözləri əlavə edilsin;

1.2.4. 2.1.3-cü yarımbənddə “işsizlik müavinətinin” sözləri “sığorta ödənişinin” sözləri ilə əvəz edilsin;

1.2.5. 3.1.1-ci yarımbənddə “Məşğulluq haqqında” Azərbaycan Respublikasının Qanunu” sözləri “Azərbaycan Respublikasının “İşsizlikdən sığorta haqqında” və “Məşğulluq haqqında” qanunları” sözləri ilə əvəz edilsin;

1.2.6. aşağıdakı məzmunda 3.1.3-1-ci və 3.1.3-2-ci yarımbəndlər əlavə edilsin:

“3.1.3-1. işsizlikdən sığortanın müntəzəmliyinə dövlət təminatı üçün tədbirlər görmək;

3.1.3-2. işsizlikdən sığorta ödənişinin vaxtında ödənilməsini təmin etmək;”;

1.2.7. aşağıdakı məzmunda 3.1.4-1-ci və 3.1.4-2-ci yarımbəndlər əlavə edilsin:

“3.1.4-1. sığortaolunanlara və sığortaedənlərə işsizlikdən sığorta ilə bağlı ödənişsiz məlumat vermək;

3.1.4-2. məşğulluq növünü, iş yerini və iş rejimini seçmək məqsədi ilə sığortaolunanlara peşəyönümünə, peşə hazırlığına və əlavə təhsilə dair pulsuz məsləhət vermək;”;

1.2.8. 3.1.7-ci yarımbəndə “yaratmaq” sözündən sonra “, özünüməşğulluğa kömək göstərmək” sözləri əlavə edilsin;

1.2.9. aşağıdakı məzmunda 3.1.8-1-ci yarımbənd əlavə edilsin:

“3.1.8-1. sosial müdafiəyə xüsusi ehtiyacı olan və işə düzəlməkdə çətinlik çəkən vətəndaşların məşğulluğunun təmin olunması üçün əlavə iş yerləri və ixtisaslaşdırılmış müəssisələr yaratmaq və məqsədli proqramlar həyata keçirmək;”;

1.2.10. 3.1.9-cu yarımbənd aşağıdakı redaksiyada verilsin:

“3.1.9. “İşsizlikdən sığorta haqqında” Azərbaycan Respublikasının Qanununda nəzərdə tutulmuş hallarda sığorta ödənişinin dayandırılması ilə bağlı tədbirlər görmək;

1.2.11. aşağıdakı məzmunda 3.1.9-1– 3.1.9-3-cü yarımbəndlər əlavə edilsin:

“3.1.9-1. işsizlikdən sığorta vəsaitini idarə etmək, həmin vəsaitdən “İşsizlikdən sığorta haqqında” Azərbaycan Respublikasının Qanunu ilə müəyyən edilmiş məqsədlər üçün və təyinatı üzrə istifadəni təmin etmək;

3.1.9-2. sığorta ödənişlərinin, “Məşğulluq haqqında” Azərbaycan Respublikasının Qanununa əsasən işaxtaran kimi qeydiyyata alınmış və işsiz statusu almış şəxslər üçün nəzərdə tutulan aktiv tədbirlərin maliyyələşdirilməsini təmin etmək;

3.1.9-3. “İşsizlikdən sığorta haqqında” Azərbaycan Respublikası Qanununun tətbiqi ilə əlaqədar izahatlar vermək;”;

1.2.12. 4.1.2-ci yarımbənddə “məşğulluq haqqında Azərbaycan Respublikası qanunvericiliyinin ” sözləri “işsizlikdən sığorta və məşğulluq sahəsində Azərbaycan Respublikasının normativ hüquqi aktlarının” sözləri ilə əvəz edilsin.

2. Bu Fərman 2018-ci il yanvarın 1-dən qüvvəyə minir.

***
İlham Əliyev Azərbaycan Respublikası Prezidentinin 2016-cı il 24 iyun tarixli 976 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu haqqında Əsasnamə”də dəyişikliklər edilməsi barədə fərman imzalayıb.

Fərmanda deyilir: Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikası Prezidentinin 2016-cı il 24 iyun tarixli 976 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu haqqında Əsasnamə”ni “İşsizlikdən sığorta haqqında” Azərbaycan Respublikasının 2017-ci il 30 iyun tarixli 765-VQ nömrəli Qanununa uyğunlaşdırmaq məqsədi ilə qərara alıram:

1. Azərbaycan Respublikası Prezidentinin 2016-cı il 24 iyun tarixli 976 nömrəli Fərmanı (Azərbaycan Respublikasının Qanunvericilik Toplusu, 2016, № 6, maddə 1072; 2017, № 5, maddə 829) ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu haqqında Əsasnamə”də aşağıdakı dəyişikliklər edilsin:

1.1. 1.1-ci bəndə “sığortası” sözündən sonra “, işsizlikdən sığorta” sözləri əlavə edilsin;

1.2. 2.1.2-ci yarımbəndə “uçotdan çıxarılması,” sözlərindən sonra “sığortaolunanların və sığortaedənlərin işsizlikdən sığorta üzrə qeydiyyata alınması və qeydiyyatdan çıxarılması,” sözləri əlavə edilsin;

1.3. 3.1.3-cü yarımbəndə “sığorta haqlarının” sözlərindən sonra “və “İşsizlikdən sığorta haqqında” Azərbaycan Respublikasının Qanunu ilə müəyyən edilmiş miqdarda sığorta haqqının” sözləri əlavə edilsin;

1.4. 3.1.8-ci yarımbəndə “sığortası” sözündən sonra “və işsizlikdən sığorta” sözləri əlavə edilsin;

1.5. 3.1.10-cu yarımbəndə “etmək” sözündən sonra “və işsizlikdən sığorta haqları üzrə hər ay üçün toplanmış vəsaiti “İşsizlikdən sığorta haqqında” Azərbaycan Respublikasının Qanunu ilə müəyyən edilmiş müddətdə işsizlikdən sığorta fonduna köçürmək” sözləri əlavə edilsin;

1.6. 3.1.11-ci yarımbənd çıxarılsın;

1.7. aşağıdakı məzmunda 4.1.3-1-ci və 4.1.3-2-ci yarımbəndlər əlavə edilsin:

“4.1.3-1. sığortaedənlərdən öz işçilərinin işsizlikdən sığorta edilməsini, sığorta haqlarının düzgün hesablanmasını, vaxtında və tam məbləğdə sığortaçıya ödənilməsini tələb etmək;

4.1.3-2. sığortaedənlərə işsizlikdən sığorta ilə bağlı hüquq və vəzifələrini izah etmək;”.

2. Bu Fərman 2018-ci il yanvarın 1-dən qüvvəyə minir.