XƏBƏR LENTİ

26 May 2020

Digər Xəbərlər

09 Aprel 2018 - 11:48

İsrail Əsədə bağlı aviabazanı iki F-15-lə vurdu –Rusiya xəbəri təsdiqlədi: "5 raket havada məhv edilib"
Dünən gecə Suriyanın Hüms vilayətinin şərqində yerləşən və prezident Əsədə bağlı olan T-4 aviabazasına raket zərbələri endirib.
Strateq.az xarici mətbuata istinadən bildirir ki, hərbi bazaya atılan 8 raket Suriyanın hava hücumundan müdafiə sistemi tərəfindən zərərsizləşdirilsə də, bir neçə raket bazaya düşüb. Nəticədə ölən və yaralananlar var.
Ancaq rejim hələ ki ölən və yaralananların sayını açıqlamasa da, hücumun ABŞ tərəfindən həyata keçirildiyini bəyan edib. ABŞ isə bu iddianı qətiyyətlə təkzib edib.
Rusiya Müdafiə Nazirliyi isə hücumu İsrailin təşkil etdiyini bəyan edib.
Bu barədə nazirliyin məlumatında qeyd edilib ki, hücumu İsrailin iki F-15 təyyarəsi təşkil edib: “Onlar Livan ərazisindən aviabazaya raket zərbələrin endirib. Onların 5 raketi havada məhv edilsə də, 3-ü bazaya düşüb”.
Rusiya MN bildirib ki, bazada olan rus hərbçilərdən həlak olan və yaralanan olmayıb.