XƏBƏR LENTİ

25 May 2020
24 May 2020
23 May 2020

Digər Xəbərlər

29 İyun 2018 - 16:39

“Avropa Şurasında Səməd Seyidov qədər savadlı adam tanımıram” –Eldar İbrahimov deputat həmkarının müdafiəsinə qalxdı

“Artıq Avropa Şurası başa düşür ki, Səməd Seyidovla bağlı səhv edib”.  Bunu Milli Məclisin Aqrar Siyasət Komitəsinin sədri, Yeni Azərbaycan Partiyasının (YAP) İdarə Heyətinin üzvü Eldar İbrahimov deyib. (modern.az)

E.İbrahimov  qeyd edib ki, Səməd Seyidov öz savadı və təcrübəsilə Avropa Şurasında təmsil olunan bütün ölkələrin qrup rəhbərlərindən yüksəkdə dayanan adamdır.

“Səməd Seyidov vitse-prezident kimi də çalışıb, çox savadlı və təcrübəli diplomatdır. Buna görə də Səməd Seyidovun Avropa Şurasında böyük nüfuzu var. Mən Avropa Şurasında elə bir adam tanımıram ki, Səməd Seyidovdan savadlı və qabiliyyətli olsun. Sadəcə olaraq bir müddət öncə Avropa Şurası Azərbaycana təzyiq etmək üçün Səməd Seyidova qarşı məlum addımları atdı. Ancaq bu özünü doğrultmadı. Haqq-ədalət öz yerini tapdı”.

Komitə sədri qeyd  edib ki, Azərbaycana qarşı bu cür təzyiqlər heç zaman özünü doğrultmayacaq.