XƏBƏR LENTİ

22 Oktyabr 2020
21 Oktyabr 2020

Digər Xəbərlər

10 İyul 2018 - 23:56

DÇ-2018-in ilk finalçısı müəyyənləşdi –Fransa Belçikanı məğlub etdi

Bu gün DÇ-2018-in ilk yarımfinal matçında Belçika və Fransa yığma komandaları üz-üzə gəliblər.

Strateq.az xəbər verir ki, “Sankt-Peterburq” stadionunda baş tutan oyuna Belçikalar daha da istəkli başlayıblar. Onlar oyunun ilk 22 dəqiqəsində bir neçə qol fürsətini qaçırıblar.

Belçika 22-ci dəqiqəyə qədər 4 günc zərbəsi də yerinə yetirib. Fransa milliləri isə bu dəqiqələrə kimi arzulanan oyunu göstərə bilməyiblər.

31-ci dəqiqədə Qrizmanın uzaqdan vurduğu top qapı tirinin üstündən keçib.

34-cü dəqiqədə isə Jiro fransızların ilk qoluna imza ata bilərdi. Lakin o, çox əlverişli fürsətdən yararlana bilməyib. Top qapı tirinin yanından keçib.

Uruqvaylı hakim oyunun ilk hissəyə 1 dəqiqə əlavə edib. Lakin hesab ilk hissədə açılmayıb.

51-ci dəqiqədə “Arsenal”lı Samuel İmutiti Fransanın qoluna imza atıb – 1-0.

Hakim oyunun əsas vaxtına 6 dəqiqə əlavə etsə də, Belçika yığması hesaba tarazlıq gətirə bilməyib. Və oyun bu hesabla başa çatıb – 1:0.

Qeyd edək ki, Fransanın finaldakı rəqibi İngiltərə-Xorvatiya oyununun qalibi olacaq.