XƏBƏR LENTİ

23 Yanvar 2021

Digər Xəbərlər

30 İyul 2018 - 22:46

Siyəzəndən başlayan yanğın Şabran rayonu ərazisini və Quba rayonunu əhatə edib –Açıqlama

AW000157

Quba rayonun Çiçi kəndində baş verən yanğın lokallaşdırılıb.

Siyəzəndən başlayan yanğın Şabran rayonu ərazisini və Quba rayonunu əhatə edib.

Quba rayonunun Çiçi kəndi ərazisində olan meşə-kolluq və biçilmiş əkin sahələri yanmağa başlayıb. Yanğının söndürülməsi üçün helikopterlər, Quba, Qusar, Xaçmaz və Şabran rayonlarının yanğınsöndürmə briqadaları və canlı qüvvələri cəlb edilib.

Əraziyə Quba rayon Fövqəladə Hallar Komissiyasının sədri Aydəmir Manafov, rayonun müvafiq idarə və müəssisələrinin rəhbərləri, polis əməkdaşları və ictimaiyyət nümayəndələri gəliblər.

A.Manafov bildirib ki, yanğının yaranma səbəbi ilkin ehtimallara görə ehtiyatsızlıq və məsuliyyətsizlikdən olub: “Yanan ərazi, təqribən, 700-800 ha sahəni əhatə edib. Buraya meşə-kolluq və biçənək sahələri daxildir. Yanğının söndürülməsi üçün əraziyə bir neçə rayonun yanğınsöndürən maşınları və canlı qüvvəsi cəlb olunub. Bununla yanaşı, 2 helikopter və yerli sakinlər yanğının söndürülməsi istiqamətində fəal iştirak edir”.

Qeyd edək ki, yanğının baş vermə səbəbləri aparılan araşdırma nəticəsində məlum olacaq/Report.