XƏBƏR LENTİ

19 Yanvar 2021

Digər Xəbərlər

09 Sentyabr 2018 - 10:49

“Trampın Maduronu devirmək planını pisləyirik” –Boliviya prezidentindən ABŞ-a etiraz

Boliviya prezidenti Evo Morales ABŞ-ın Venesuela hakimiyyətini devirmək planını pisləyib.

Bu barədə dövlət rəhbəri özünün “Twitter” səhifəsində yazıb.

“Biz Trampın Venesuelanın üsyançı hərbçiləri ilə birlikdə qardaşımız Nikolas Maduronu devirmək planını pisləyirik”, – deyə Morales yazıb.

O, həmçinin qeyd edib ki, Latın Amerikasının azad xalqları müqavimət göstərəcək və “imperiyanın dünyaya və böyük vətənin demokratiyasına qarşı hücumunu dağıdacaqlar”.

Daha əvvəl “The New York Times” xəbər verib ki, Tramp administrasiyasının nümayəndələri Venesuelanın üsyançı hərbçiləri ilə gizli görüşüblər və onlarla ölkənin prezidenti Maduronun devrilməsi planının variantlarını müzakirə ediblər. Məlumata görə, görüşlər 2017-ci ildə başlayıb və indiyə qədər davam edir/Report.