XƏBƏR LENTİ

30 Noyabr 2020
29 Noyabr 2020

Digər Xəbərlər

15 Sentyabr 2018 - 11:57

Dövlət Agentliyində dəyişiklik –Kardioloq sədr təyin edildi

Qida Təhlükəsizliyi Agentliyinin institutuna yeni sədr təyin edilib.

Strateq.az Qida Təhlükəsizliyi Agentliyinə (AQTA) istinadən bildirir ki, bu barədə verilən əmrə əsasən, Sadiq Ərzuman oğlu Məmmədov Azərbaycan Qida Təhlükəsizliyi İnstitutunun İdarə Heyətinin sədri təyin olunub.

Məlumata görə, Sadiq Məmmədov 1970-ci ildə Salyan rayonunda anadan olub.

1995-ci ildə Azərbaycan Dövlət Tibb Universitetinin həkim-kardioloq ixtisasını bitirib.

Əmək fəaliyyətinə 1997-ci ildə Salyan rayon Mərkəzi Xəstəxanasının rayonlararası kardioloji dispanserində həkim-kardioloq kimi başlayıb.

2003-2009-cu illərdə “Asfarma” MMC-də müxtəlif vəzifələrdə çalışıb. 2010-2013-cü illərdə əvvəlcə “Farmservis” MMC-də, daha sonra isə “YurAz Farmasyutikl İndastriz” MMC-də marketinq üzrə menecer vəzifəsində işləyib.

2013-2014-cü illərdə “Avromed” özəl tibb mərkəzində filial direktoru vəzifəsini icra edib.

S.Məmmədovun sonuncu iş yeri Suraxanı Tibbi Bərpa Mərkəzi olub. Məmmədov 2014-2015-ci illərdə həmin mərkəzdə baş həkim, daha sonra isə direktor vəzifələrini icra edib.