XƏBƏR LENTİ

19 Sentyabr 2020
18 Sentyabr 2020

Digər Xəbərlər

20 Sentyabr 2018 - 12:27

150 ölkənin parlament heyəti Bakıya gəlir –Sabah Bakıda Azərbaycan Parlamentinin 100 illiyi qeyd olunacaq

Sabah – sentyabrın 21-də Azərbaycan Parlamentinin 100 illiyinə həsr edilən təntənəli iclas keçiriləcək.

Strateq.az “Report” xəbər verir ki, yubiley mərasimi Milli Məclisin inzibati binasında təşkil ediləcək. Tədbirdə Türkiyə, Səudiyyə Ərəbistanı, Gürcüstan, Əfqanıstan, Küveyt, Bəhreyn, Bosniya və Herseqovina, Bolqarıstan, Cibuti, İndoneziya, Pakistan və Oman Sultanlığı parlament sədrləri səviyyəsində təmsil olunacaq.

Tədbirə Rusiyanın, İranın, Macarıstanın, Polşanın, Serbiyanın, Monteneqronun, Çexiyanın, Qazaxıstanın, Özbəkistanın, Tacikistanın, Vyetnamın isə parlament sədrlərinin müavinləri qatılacaqlar.

Ümumilikdə tədbirə 150 ölkənin parlamentinin nümayəndə heyəti qatılacaq.

Təntənəli iclasda ATƏT Parlament Assambleyasının, Türkdilli Ölkələrin Parlament Assambleyasının (Türk PA), Qaradəniz İqtisadi Əməkdaşlıq Təşkilatının Parlament Assambleyasının (QDİƏT PA), Müstəqil Dövlətlər Birliyinin Parlament Assambleyasının (MDB PA), Avropa Parlamenti, GUAM (Gürcüstan-Ukrayna-Azərbaycan-Moldova) Parlament Assambleyasının nümayəndələri də iştirak edəcəklər.