XƏBƏR LENTİ

29 Oktyabr 2020

Digər Xəbərlər

07 Dekabr 2018 - 15:57

Məmmədyarov ATƏT-in media azadlığı üzrə komissarı ilə görüşüb –XİN müzakirə olunan məsələləri açıqladı

Milanda ATƏT Nazirlər Şurasının 25-ci iclasında iştirak edən Azərbaycanın xarici işlər naziri Elmar Məmmədyarov ATƏT-in media azadlığı üzrə nümayəndəsi Harlem Dezir ilə görüşüb.

Strateq.az Azərbaycan Xarici İşlər Nazirliyinin yaydığı məlumata istinadən bildirir ki, görüş zamanı ATƏT-in ifadə və media azadlığı üzrə öhdəlikləri, eləcə də qarşılıqlı maraq doğuran digər məsələlər əsas danışıq mövzusu olub. ATƏT-in media azadlığı üzrə nümayəndəsi ilə iki ölkə arasında mövcud əməkdaşlıq münasibətlərinin perspektivləri üzrə fikir mübadiləsi aparılıb və bu istiqamətdə atıla biləcək mümkün addımlar müzakirə olunub.

Tərəflər arasında, həmçinin yeni texnologiya vasitələrinin media və ifadə azadlığı üzrə inkişafa təsiri ətrafında fikir mübadiləsi aparılıb. Azərbaycanda media və ifadə azadlığı üzrə inkişafa toxunan nazir Elmar Məmmədyarov ölkə əhalisinin 80%-nin internet istifadəçisi olduğunu vurğulayıb.