XƏBƏR LENTİ

22 Oktyabr 2020

Digər Xəbərlər

25 Dekabr 2018 - 11:16

Prezident İlham Əliyev:"Azərbaycanda rus dilinə dəstək tamamilə düzgün və uğurludur"

 

Azərbaycan prezidenti İlham Əliyev ölkədə rus dilinə dəstək siyasətini tamamilə düzgün və uğurlu hesab edir.

Rus dilini dəstəkləyən, onun inkişafına daha yaxşı şərait yaratmağı hədəfləyən siyasətimiz tamamilə düzgündür. Bunun müsbət nəticələrini görürük, – o, dekabrın 24-də “Rossiya 24” telekanalına müsahibəsində deyib.

Prezident deyib ki, ölkədə rus dilinə böyük tələbat var və bu tələbat yüksəlir: “Rusca danışmaq bir ehtiyacdır. Digər tərəfdən, bu, tarixi əlaqələrin haqqını verməkdir. Cəmiyyətdə buna böyük tələbat olduğunu görürəm”.

İlham Əliyevin sözlərinə görə, rus dili Azərbaycanın orta məktəblərinin çoxunda tədris olunur. Üstəlik, Rusiyanın iki aparıcı universitetinin – Lomonosov Dövlət Universitetinin və Seçenov Tibb Akademiyasının Azərbaycanda filialları var. Bundan başqa, rus dilinə müsbət münasibət sayəsində Azərbaycan rusiyalı turistlər arasında populyardır. “Məncə, bir milyon rusiyalı buraya özünü rahat hiss etdiyi üçün gəlir”, – prezident deyib.

Dövlət başçısının fikrincə, rus dili siyasəti ölkənin rəsmi dili olan azərbaycancaya ziyan vurmur: “Təbii, hər bir vətəndaş öz dövlət dilini bilməlidir. Azərbaycanda bununla bağlı problem yoxdur”.